Asayîşa Silêmaniyê di meşa li dijî komployê de 9 ciwan binçav kirin 

2023-02-11 12:51:46


	 

	 

	NAVENDA NÛÇEYAN - Ciwanên Welatparêz û Jinên Ciwan ên Têkoşer duh bi şev bi boneya salvegera Komploya Navneteweyî li bajaroka Tekye ya Çemçemalê meşek lidar xist. Asayîşê êriş bire ser meşê û 9 ciwanan binçav kirin.

	 

	Ciwanên Welatparêz û Jinên Ciwan ên Têkoşer bi dirûşma ‘Ciwan Fedayê Rêber Apo ne, Dem dema Azadiyê ye, Werin Cenga Azadiyê’, li dijî Komploya Navneteweyî ya 15’ê Sibata 1999’an a li ser Rêber Abdullah Ocalan şevê din wê li bajarokê Tekye ya Çemçemal meşekê lidar xistiban. Hêzên Asayîşê êriş birin ser meşê û di encamê de 9 ciwan hatin binçavkirin.

	 

	Heta niha nayê zanîn bê ka ev ciwan li kûderê ne. Ciwan daxwaza azadkirina hevalên xwe dikin.