Li Teq Teqê jî kampanya komkirina alîkariyê hat destpêkirin  

2023-02-09 10:45:06


	 

	 

	NAVENDA NÛÇEYAN - Li bajaroka Teq Teqê ya Koyê Herêma Kurdistanê ji bo mexdûrên erdhejê yên Bakur û Rojavayê Kurdistanê, alîkarî tê komkirin.

	 

	Di 6’ê Sibatê de 2 erdejên bi pileya 7.6 û 7.7 li Bazarcixa Mereşê ya Bakurê Kurdistanê ku navenda erdhejê bû pêkhat. Erdhejê bandora xwe li gel bajarên Bakurê Kurdistan, Tirkiye û Suriyeyê kir ku di encamê de bi hezaran kesan jiyana xwe ji dest dan û bi deh hezaran kes birîndar bûn, ji bilî wan bi deh hezaran kes di bin sermaya zivistanê de li derve bê nan û av mane.

	 

	Li gelek bajar û bajarokên Herêma Kurdistanê ji bo komkirina alîkariya ji mexdûrên erdhejê re ji aliyê gelek rêxistin û welatiyan ve kampanya hatine destpêkirin. Bajarokê Teq Teq a Koyê jî yek ji cihên ku kampanya komkirina alîkariyê lê hatî destpêkirin e.

	 

	Her wiha çalakvan û welatiyên herêmê bang li xelkê herêmê dikin ku alîkariya xwişk û birayên xwe bikin.

	 

	Hêjayî gotinê ye ku di rêjeyek berviçav de welatî ji bo alîkariyê berê xwe didin cihên kampanyayê.

	 

	Piştî kareseta erdheja ku bandoriya xwe li gelek bajarên Bakur û Rojavayê Kurdistanê kirî, li seranserê bajar û bajarokên Herêma Kurdistanê yên weke, Silêmanî, Hewlêr, Raperîn, Germiyan, Koye, Kerkûk, Dûzxurmetû û Qeladizê kampanyayên alîkariya ji mexdûrên erdhejê re hatine destpêkirin.