
Li Rihayê zarokê 6 salî piştî 47 saetan hate rizgarkirin  

2023-02-08 13:26:16


	&nbsp;

	RIHA - Li taxa Yenîşehîrê ya navçeya Halîlîyê, zarokê 6 salî Ahmet Ayaz Abak piştî 47 saetan di bin kavilê hat rizgar kirin.

	&nbsp;

	Di 6’ê sibatê de li Bazarcix a Mereşê bi pileyên 7,7 û 7,5 erdhej çêbû. Ji erdhejê 11 bajar bandor bûn ku yek ji wan bajaran jî Riha ye. Di encama erdhejê de li navend û navçeyên Rihayê gelek avahî hilweşiyan. Xebatên lêgerînê yên li ser kavilên du avahiyan didomin.

	&nbsp;

	Hejmara qurbaniyan jî her ku diçe zêdetir dibe. Li Rihayê heya niha 95 kes jiyana xwe jidest dane û hezar û 195 kes birîndar in.

	&nbsp;

	Li Taxa Yenîşehîrê ya navçeya Haliliyê xebatên rizgarkirinê berdewam dikin. Zarokê 6 salî ya bi navê Ahmet Ayaz Abak ku di bin kavilan de li benda rizgarkirinê bû piştî 47 saetan hate rizgarkirin. Hate diyar kirin ku di bin kavilan de hêj 3 kes li benda rizgarkirinê ye.

	&nbsp;