
Greva birçîbûnê ya girtiyan daye destpêkirin didome

2023-01-28 18:25:49


	&nbsp;

	ÎZMÎR- Girtiyan li dijî binpêkirinên mafan yên li Girtîgeha Jinan a Şakranê û Girtîgeha Tîpa T ya Hejmar Yek a Afyonê dest bi çavakiya greva birçîbûnê kiribû û çalakiya wan didome.

	&nbsp;

	Li girtîgeha Jinan a Şakranê li dijî tecrîda giran û binpêkirinên mafan di 2’ê Çile de girtiyan dest bi greva birçîbûnê ya bêdem-dorveger kirin. Çalakî ewil ji aliyê nivîskar Leyla Saraç ve hat destpêkirin. Çalakiya greva birçîbûnê bi girtiyên cuda 10 roj navberan didome.

	&nbsp;

	Heyeta ku ji parêzerên Baroya Îzmîrê pêk tê, çû Girtîgeha Jinan a Şakranê &nbsp;û bi girtiyan re hat gel hev. Parêzeran da zanîn ku wê agahiyên destê xwe de bi raporan aşkera bikin.

	&nbsp;

	Li aliyê din jî li girtîgeha Tîpa T ya Hejmar Yek a Afyonê girtiyanli ijî zext û binpêkirinan di 3’ê Çile de dest bi çalakiya greva birçîbûnê ya bêdem-dorneveger kirin.Ewil 2 girtiyan da destpê kir û niha 9 girtî didomînin.&nbsp;

	&nbsp;