
Li Sûriyeyê sînorê birçîbûnê zêde bû:Pêşî li karasetê bigirin

2023-01-27 21:01:12


	&nbsp;

	NAVENDA NÛÇEYAN- Bernameya Xûrek a Cîhanê roja Înê daxuyaniyek da û hişyar kir ku li Sûriyeyê rêjeya birçîbûnê zêde bûye.

	&nbsp;

	Rêxistina Xûrekê diyar kir ku krîza aborî ya bi salan û her wiha şerê ku zirar dide civak û jiyanê, 2.9 milyon kes bi xeteriya birçîbûnê re rû bi rû hiştiye.&nbsp;

	&nbsp;

	Di daxuyaniyê de hat destnîşankirin ku li Sûriyeyê birçîbûn di 12 salên dawî de gihiştiye asta herî jor û sedî 70’ê nifûsê wê nekaribin ji bo malbata xwe, xwarin peyda bikin. WFP’ê ragihand ku bihayên xûrekan di nava sê salan de, 12 qat zêde bûye û got: “Sûriye niha welatê 6’emîn e ku hejmara mirovên ku baweriya wan a xûrekê nemaye, herî zêde ye.”

	&nbsp;

	Dîrektorê Îcrayê yê WFP’ê Davîd Beasley vê hefteyê serdana Sûriyeyê kiribû û wiha gotibû: “Eger civaka navneteweyî alîkariyê nede Sûriyeyiyan, wê bi xeteriyek din a koçberiya girseyî re rû bi rû bimînin.”

	&nbsp;

	Beasley ev pirs kir: “Gelo civaka navneteweyî vê yekê dixwaze?” û bang li welatên din kir ku ji bo pêşîgirtina li vê karesatê, hewldanên xwe bikin du qat.

	&nbsp;