
'Berxwedana Kobanê ji bo tevahî cîhanê bûye nimûne' 

2023-01-26 16:23:55


	&nbsp;

	&nbsp;

	NAVENDA NÛÇEYAN - Şêniyên herêma Firatê, Heleb û Meclîsa Jinan a Bakur û Rojhilatê Sûriyeyê salvegera 8'an a serkeftina Kobanê ya li dijî çeteyên DAIŞ'ê pîroz kir û destnîşan kirin ku berxwedana Kobanê ji bo tevahî cîhanê bûye nimûne.

	&nbsp;

	Bi minasebeta salvegera 8'an a rizgarkirina bajarê Kobanê ya ji çeteyên DAIŞ'ê, Dayikên Aştiyê, Meclisa Giştî ya Taxên Şêxmeqsûd û Eşrefiyê û Meclisa Jinan daxuyaniyên cuda dan. Di daxuyaniyan de berxwedana dîrokî ya jinan di cenga Kobanê de hat silavkirin. Nivîsgeha Kombûna Jinan a Zenûbiya şaxê Minbicê û gundewarên wê jî li ser şerê şervanên YPJ/YPG'ê senevîzyonek nîşan da.

	&nbsp;

	Kobanê

	&nbsp;

	Li ser navê Dayikên Aştiyê, Hevseroka Akademiya Şehîd Amgîhan Cûdî, Ronahî Ehmed daxuyaniyek xwend.

	&nbsp;

	Ronahî got, “Di vê rojê de zarokên me bajarê Kobanê ji çeteyên DAIŞ'ê rizgar kir û ji tevahî cîhanê re îsbat kir ku xwediyên maf her tim serkeftî ne û yên ku li ser fikir û felsefeya Rêber Abdullah Ocalan mezin bûn, wê azadiya xwe bi dest bixin.”

	&nbsp;

	Ronahî bal kişand ser berxwedana dîrokî ya jinan a di cenga Kobanê de û destnîşan kir ku jinan qeydên koletiyê şikand û li hember fikrê tarî yê DAIŞ'ê yê li hember jinan bi ser ket.

	&nbsp;

	Bang li şêniyên herêmê hat kirin ku li hember mîrasê mezin ku şehîdan di oxira wê de canê xwe feda kirin, berpirsiyariyên xwe pêk bînin.

	&nbsp;

	Minbic

	&nbsp;

	Nivîsgeha Kombûna Jinan a Zenûbiya ya Minbicê jî li ser berxwedana dîrokî ya li dijî çeteyên DAIŞ'ê senevîzyonek nîşan da.

	&nbsp;

	Endamên meclisên sivîl, nûnerên partiyên siyasî, saziyên jinan û Hêzên Ewlekariya Hundirîn-Jin beşdarî çalakiya li Navenda Çand û Hunerê bûn.

	&nbsp;

	Di dawiya senevîzyonê de dirûşmên silavkirina berxwedana Kobanê û dirûşmên “Şehîd Namirin” hatin berzkirin.

	&nbsp;

	Heleb

	&nbsp;

	Meclisa Giştî ya Taxên Şêxmeqsûd û Eşrefiyê jî li pêş avahiya xwe ya rojavayê taxê daxuyaniyek da. Cîgira Hevseroka Meclisa Giştî ya Taxên Şêxmeqsûd û Eşrefiyê Sêvîn Emonî bi beşdariya endam û rêveberiyên saziyên sivîl û meclisên taxê daxuyanî xwend.

	&nbsp;

	Di daxuyaniyê de hate gotin ku berxwedana Kobanê ji bo tevahî gelê herêmê û cîhanê, bi taybet ji çar parçeyên Kurdistanê re bû hêvî.

	&nbsp;

	Di daxuyaniya meclisê de hate destnîşankirin ku bi pêşengtiya hêz û lehengiya gelê Kurdistanê û herêmê û bi beşdariya şoreşgerên enternasyonalîst ev serkeftin li cîhanê tevahî hate pîrozkirin û wiha dom kir: “Lê îro careke din destekvan û çêkerên DAIŞ'ê gefan li vî gelî dixwin û êrişî wî dikin.”

	&nbsp;

	Di dawiya daxuyaniyê de hate diyarkirin ku bi ruhê şerê gel ê şoreşgerî dê gel li hember tevahî cureyên dagirkeriyê bisekine û bi israreke mezin dê berxwedana xwe bilind bike û destkeftiyan biparêze.

	&nbsp;

	Daxuyanî bi dirûşmên mîna "Bijî berxwedana Kobanê" û "Şehîd namirin" bi dawî bû.

	&nbsp;

	Meclîsa Jinan&nbsp;

	&nbsp;

	Meclisa Jinan a Bakur û Rojhilatê Sûriyeyê jî bi heman minasebetê daxuyaniyek da.

	&nbsp;

	Di daxuyaniyê de ev tişt hate gotin: "Berxwedana Kobanê ya lehengan e, destpêka bidawîkirina rêxistina DAIŞ'ê ya terorîst bû. Ev hêzên tarî li ser girê Miştenûrê hatin têkbirin û êdî Kobanê bû sembola berxwedanê.

	&nbsp;

	Piştgirên çeteyên DAIŞ'ê îro li pêş çavên cîhanê tola DAIŞ'ê hiltînin. Berovajî wê divê cîhan li hember van sûcên dermirov û sûcên şer bê deng nema û li hember piştgirên DAIŞ'ê bisekiniya.

	&nbsp;

	Em Meclisa Jinan a Bakur û Rojhilatê Sûriyeyê şehîdên Berxwedana Kobanê bi bîr tînin û bang li hêzên xwe yên lehengane dikin ku berxwedana xwe mezin bikin, da ku dawî li rêxistina terorîst a DAIŞ'ê bînin û gel ji dewleta tirk a dagirker û çeteyên wê biparêzin."

	&nbsp;