Çalakiya li dijî tecrîdê ya li Strasboûrgê dewam dike 

2023-01-25 15:02:36


	 

	 

	NAVENDA NÛÇEYAN - Kurdistaniyan dijî tecrîda li ser Rêberê PKK'ê Abullah Ocalan li ber avahiya KE'yê çalakî dan destpêkirin. Çalakî di roja 3’yan de dewam dike.

	 

	Kurdan li dijî tecrîda li ser Rêberê PKK'ê Abullah Ocalan li ber avahiya Konseya Ewropa (KE) ya li bajarê Strasboûrgê çalakî dan destpêkirin. Çalakî di roja 3’yan de didome. Çalakiya îro  Kurdistaniyên ku ji Swîsreyê hatin, saziyên baweriyê yên Kurdistanî, Tevgera Elewiyên Demokratîk (FEDA), Civaka Îslamiya Kurdistan (CÎK), Koordînasyona Êzidiyan û Partiya Yekitiya Demokratîk (PYD), partiyên Rojhilatî, hevserokên KNK û KCDK-E, hilbijartiyên HDP’ê, Konfederasyona Koçberên Bindest a Ewropayê (AvEG-KON) û hunermendên TEV-ÇAND’ê didomînin.

	 

	Her wiha hevdîtinên heyeta HDP’ê ku ji parlementer Feleknas Ûca, Hişyar Ozsoy û nûnerê HDP’ê yê Konseya Ewropa Faîk Yagiz pêk tê, didome. Hate diyarkirin ku ji xeynî heyeta HDP’ê, parêzerên Buroya Hiqûqê ya Asrînê, Delegasyona Jinan a Navneteweyî ya ji bo Azadiya Abdullah Ocalan û Koma Parêzerên Abdullah Ocalan a Navneteweyî jî hevdîtinan dikin.