
Ji Yekitiya Pîşeyên Tibî banga aşkerakirina rewşa Abdullah Ocalan  

2023-01-25 14:25:44


	&nbsp;

	NAVENDA NÛÇEYAN - Derbarê rewşa Rêberê PKK'ê Abdullah Ocalan de Yekitiya Pîşeyên Tibî ya Bakur û Rojhilatê Sûriyê bang li rêxistinên tibî kir ku ji bo aşkerekirina rewşa tenduristî ya Abdullah Ocalan zextê bikin.

	&nbsp;

	Yekitiya Pîşeyên Tibî ya Bakur û Rojhilatê Sûriyê ji bo şermezarkirina tecrîda li dijî Rêberê PKK'ê Abdullah Ocalan daxuyaniyek da. Li pêş Nexweşxaneya Gel a li Ezîziyê ya Hesekê daxuyanî hate xwendin. Çavdêra li ser beşa hemşîretiyê Songul Hemo bi zimanê kurdî û hevseroka Nexweşxaneya Gel Şevîn Ebdulqadir bi zimanê erebî daxuyanî xwend.

	&nbsp;

	Di daxuyaniyê de ev tişt hate gotin:

	&nbsp;

	"Li gel tecrîda li dijî rêber Ocalan di girtîgeha Îmraliyê de ji 1999'an ve, dewleta Tirk a dagirker zêdetirî 22 mehan e rewşa wî ya tenduristî eşkere nake.

	&nbsp;

	Dewleta Tirk a dagirker agahiyên li ser rewşa tenduristî ya rêber Ocalan eşkere nake. Armanca wê bêparkirina Rêbertî ji parastina qanûna navneteweyî ye û ev jî metirsiyên mezin li gel me çêdike.

	&nbsp;

	Em kadroyên tenduristiyê û tibî yên li Bakur û Rojhilatê Sûriyê vê daxuyaniyê didin û raya giştî ya cîhanê li hember rêber Ocalan berpirsyar dibinin.

	&nbsp;

	Diviyabû ev rêxistin biçûna girtîgeha Îmraliyê û daxuyaniyek li ser tunebûna mercên tenduristî û baldariya tibî ya ji rêber Ocalan re bidana û piştî vê bêdengiya li ser rewşa wî, divê yekser destwerdanê bikin û rola xwe li gorî qanûna navneteweyî pêk bînin.

	&nbsp;

	Em amade ne ku dema derfet ji me re çêbû bi rêber Ocalan re bicivin û rola xwe pêk bînin."

	&nbsp;

	&nbsp;