
Kampanyaya îmzeyan a li dijî tecrîdê berdewam dike  

2023-01-25 13:40:46


	&nbsp;

	&nbsp;

	NAVENDA NÛÇEYAN - Hemleya komkirina îmzeyan a ji bo bidawîkirina tecrîda li ser Rêberê PKK'ê Abdullah Ocalan û aşkerkirina rewşa wî ya tenduristî, li kantonên Qamişlo û Hesekê berdewam dike.

	&nbsp;

	Înîsiyatîfa ji Abdullah Ocalan a Azadî ya Bakur û Rojhilatê Sûriyeyê bi dirûşma “Gelên Bakur û Rojhilatê Sûriyeyê banga bidawîkirina tecrîda li ser Rêber Ocalan û pêkanîna azadiya wî ya fîzîkî dikin” di 22'yê çileyê de kampanyaya îmzeyan dabû destpêkirin.

	&nbsp;

	Di 24'ê çileyê de ango duh komkirina îmzeyan li navçeyên Tirbespiyê û Til Birak yên girêdayî Qamişlo û navçeya Til Temir a Hesekê dest pê kir.

	&nbsp;

	Tê payîn ku kampanya heta 15'ê Sibatê ku rastî salvegera 24'emîn a Komploya Navneteweyî ya li dijî Rêberê PKK'ê Abdullah Ocalan tê, berdewam bike.

	&nbsp;