Li Îranê rojnamevanên jin hatin girtin  

2023-01-22 14:19:16


	 

	 

	NAVENDA NÛÇEYAN - Li gel êrîş û gefên dewleta Îranê li dijî çalakvanan û rojnamevanan, duh li bajarê Tehranê du rojnamevanên jin hatin girtin.

	 

	Tevî xwepêşandan û çalakiyên li Rojhilatê Kurdistan û Îranê berdewam dikin, zext û êrîşên hêzên dewleta Îranê yên li ser çalakvan û rojnamevanan jî berdewam in.

	 

	Duh li bajarê Tehranê peyamnêra ajansa Şehr Milîka Haşimî hat girtin. Her wiha cezayê girtîgehê ji bo çalakvana sivîl û wênekêş Reyhane Terawetî hat dayîn.

	 

	Dadgeha Şoreşê ya Bajarê Tehranê, duh cezayê 6 salan ê girtîgehê li çalakvana sivîl Reyhane Terawetî erê kir.

	 

	Reyhane Terawetî bi îdîayê ‘avakirin û rêxistinkirina çalakiyên armanckirî yên di çarçoveya tevgerên jinan yên li Îranê û tevlîbûna Tevgera Me Too’ de tê tometbarkirin.