
Serhildana li Rojhilatê Kurdistan û Îranê dewam dike

2023-01-17 11:51:13


	&nbsp;

	&nbsp;

	NAVENDA NÛÇEYAN &nbsp;- Serhildana bi dirûşma "Jin jiyan azadî" dest pê kir li Rojhilatê Kurdistan û Îranê 4 meh li pey xwe hiştin, di rojên dawî de gel dijî nebûna sutemeniyê dadikevin kolanan û nerazîbûna xwe tînin ziman.

	&nbsp;

	Serhildana li Rojhilatê Kurdistan û Îranê ya dijî desthilata Îranê 4 meh li pey xwe hiştin. Duh li bajarê Sine ya Rojhilatê Kurdistanê bi tevlîbûna sedan kes merasîma çileya Humen Ebdulah hate lidarxistin. Di merasîmê de dirûşma ‘Şehîd namirin’ û ‘Jin, Jiyan, Azadî’ hate qêrîn. Kesên tevlî merasîmê bûn sirûdên nîştimanî gotin.

	&nbsp;

	Di dema merasîmê de hêzên dewleta Îranê bi droneyan çavdêrî kirin û ji bo tirsandinê xelk şopandin.

	&nbsp;

	Gel duh li bajarên Turbet Cam û Taybadî ya ser bi parêzgeha Xurasanê dijî nebûna sutemeniyê çalakiyên berfireh li dar xistin. Ji bo dewlet rê li çalakiyan bigrin hêzek mezin veguhest her du bajaran.

	&nbsp;

	Duh bi armanca piştgiriya ji bo xwepêşandanên li Îranê, bi hezaran kes li ber derê parlamentoya Ewrupa ya li Fransayê kom bûn û nerazîbûna xwe anîn ziman. Parlamentera Belçîkayê Derya Sefayî di çalakiyê de axivî û da zanîn ku ew ji bo Supayê Pasdaran weke çavkaniya terorê binasin, kar dikin. Çalakvanan xwest welatên Ewrupayê bayozxaneyên Îranê bigirin.

	&nbsp;

	Şaredariya Parîsê jî piştgirî da xwepêşandanên li Îran û Rojhilat. Şaredariya Parîsê bi Fransî dirûşma ‘Jin, jiyan, azadî’ û bi Îngilîzî dirûşma ‘Darvekirinên li Îranê bidin sekinandin’ li ser Kûleya Eyfelê nîşan da. Hate diyarkirin wê slogan 2 rojan li ser kûleyê bimînin

	&nbsp;

	&nbsp;