Ji bo Emîne Kara merasîmeke bi heybet hat lidarxistin 

2023-01-05 15:20:52


	 

	 

	NAVENDA NÛÇEYAN - Cenazeyê endama Konseya Rêveber a KCK'ê Emîne Kara (Evîn Goyî) ku li Parîsê di encama êrîşeke çekdarî de şehîd bû, li Şehîdgeha Mehmet Karasûngûr a li Qendîlê merasîm tê lidarxistin.

	 

	Endama Konseya Rêveber a KCK’ê Emîne Kara (Evîn Goyî), ji Tevgera Çandê Mîr Perwer (Mehmet Şîrîn Aydin) û welatparêzê Kurd Abdûrrahman Kizil ên 23’yê kanûna 2022'yan de li paytexta Fransa Parîsê hatibûn qetilkirin.

	 

	Cenazeyê Emîneyê ji Balafirgeha Navneteweyî ya Silêmaniyeyê hate wergirtin û birin Mizgefta Ehmed Hecî Elî. Piştre jî ber bi Şehîdgeha Qendîlê ve hate şandin. 

	 

	Cenazeyê Emîneyê bi konvoyeke ji sedan wesayitî gihandin Şehîdgeha Mehmet Karasûngûr a li Qendîlê. Li şehîdgehê merasîmeke bi heybet hate lidarxistin. Bi sedan kes tevlî merasîmê bûn. Cenaze li Şehîdgeha Mehmet Karasûngûr hat veşartin.