
Çalakiyên şermezarkirina Komkujiya Parîsê dewam dikin 

2023-01-01 11:55:50


	&nbsp;

	&nbsp;

	NAVENDA NÛÇEYAN - Kurdistanî û dostên wan ên li bajarê Nantes û Creîl ên Fransayê li dijî êrîşa li Parîsê ya li ser Navenda Çandê ya Ahmet Kaya çalakî &nbsp;kirin û êrîş şermezar kirin.

	&nbsp;

	Çalakî û bertekên li dijî êrîşa ku li payitextê Fransa Parîsê li dijî Navenda Çandê ya Kurd a Ahmet Kaya hat kirin berdewam dikin. Di vê çaroveyê de li bajarên Farnsa Nantes û Creîl ên Fransayê Kurd û dostên wan duh jî li qadan bûn. baarê Nantes girseya ku meş li dar xist wêneyên Sakîne Cansiz, Fîdan Dogan û Lelya Şaylemez ên di Komkujiya 9’ê Çileya 2013’an de ji aliyê dewleta Tirk ve hatin qetilkirin û wêneyên Emîne Kara (Evîn Goyî), hunermend Mîr Perwer (M. Şirîn Aydin) û welatparêz Abdûrrahman Kizil û pankart hildan û meşiyan. Di meşê de belavokên bi Fransî yên ku terora dewleta Tirk teşhîr dikin, hatin belavkirin.

	&nbsp;

	Girseya ku bi berzkirina dirûşmên “Şehîd namirin”, “Bijî Serok Apo” û “A bas regîme fascîst en Turquîe” meşiya, li Place de Commerceyê mîtîng li dar xistin û ji bo bîranîna Şehîdên Parîsê deqeyek rêz girt.

	&nbsp;

	Di axaftinên di çalakiyê de hatin kirin de hat diyarkirin ku heta kiryar û hevkarên sûc ên Komkujiya Parîsê bên eşkerekirin, ew ê li qadan bin û banga tevlêbûna merasîm û bi rêkirinê ya ku wê 3’ê Çileyê 2023’an saet di 12.00’an de ji bo Şehîdên Parîsê bê lidarxistin û ya meşa navendî ku wê 7’ê Çileyê 2023’an li Parîsê bê lidarxistin, hat kirin.

	&nbsp;

	Li ser navê TEV-ÇAND’ê di mîtîngê de axaftin hat kirin û hat gotin k ew ê serî li ber faşîzma Tirk ne tewînin û heta ku Komkujiya Parîsê bê ronîkirin, ew ê li qadan bin.&nbsp;

	&nbsp;

	Rêxistinên çepgir û rêxistinên civakî yên sivîl jî bi rengên xwe tevlî çalakiya protestoyî bûn û peyamên piştevaniya bi gelê Kurd re dan. Li ser navê Navenda Çanda Elewî ya Nantesê axaftin hat kirin &nbsp;û peyama mezinkirina berxwedanê hat dayîn.

	&nbsp;

	Hevalên şervanê bi navê Olîvîer le Claînche (Kendal Breîzh) ê eslê xwe ji Bretonê ye ku 10’ê Sibata 2018’an di dema berxwedana li dijî êrîşên dagirkeriyê yên dewleta Tirk ên li ser Efrînê de şehîd bû, tevlî çalakiyê bûn û diyar kirin ku wê li her qadê bi gelê Kurd re, di nava piştevaniyê de bin.

	&nbsp;

	&nbsp;Li Creîlê jî çalakiya protestoyî&nbsp;

	&nbsp;

	Ji bo bîranîna Evîn Goyî, Mîr Perwer û Abdûrrahman Kizil ên di êrîşa li ser Navenda Çandê ya Kurd a Ahmet Kaya ya li Parîsê de şehîd bûn, li qada avahiya şaredariya bajarê Creîl ê Fransayê bi sedan Kurdistanî û dostên wan çalakî li dar xistin.

	&nbsp;

	Di axaftinên hatin kirin de hat diyarkirin ku navenda vê komkujiyê Enqere ye û ew ê vê komkujiyê qebûl nekin. &nbsp; Dewleta tirk serndiroma têkçûnê jiyaye û &nbsp;Kurdistan wê ji dewleta Tirk bibe goristan.

	&nbsp;

	Piştî axaftinan bi berzkirina dirûşmên “Bijî Serok Apo”, “PKK tolhildan” û “Jin jiyan azadî” girse ber bi îstasyona Creîlê ve meşiya.

	&nbsp;

	Çalakî li navenda sûka Creîlê piştî sirûda Çerxa Şoreşê, bi dawî bû.

	&nbsp;

	&nbsp;