
Doza cerdevanên tecawizkar hat dîtin: Tecawiz hat rewakirin

2022-12-28 17:55:57


	&nbsp;

	ŞIRNEX - Danîşîna 3'yemîn a &nbsp;doza cerdevan Cengîz Aydemîr û Samî Yildiz ê ku tecawizî S.A. ya 17 salî kiribûn li 3'emîn Dadgeha Cezayê Giran a Şirnexê hate dîtin. Di danişînê de cerdevanan xwe bi mexdûriyetê parastin û parezerên wan jî ji ber temenê S.A yê tecawiz rewa kir.

	&nbsp;

	Li navçeya Qilebanê ya Şirnexê, parêzvanê Şaredarê AKP’ê yê bajaroka Dêrahinê Cemîl Yildiz cerdevan Cengîz Aydemîr û cerdevan Samî Yildiz ku bi awayekî sîstematîk tecawizî zaroka 17 salî ya bi navê S.A. ku bi dêmariya xwe re dijiya kiribûn. Danîşîna sêyemîn a dozê îro li 3'yemîn Dadgeha Cezayê Giran a Şirnexê hate dîtin.

	&nbsp;

	Li daneşînê Cengîz Aydemîr, Samî Yildiz ku li girtîgeha Şirnexê ya Tîpa T girtî ne amade bûn. Berîvan Aydemîr jî &nbsp;bi rêya SEGBÎS’ê tevlî danişînê bû.

	&nbsp;

	Piştî tespîtkirina nasnameyan danişîn bi parastina Samî Yildiz û Cengîz Aydemîr dest pê kir. Faîlan, parastinên xwe yên danişînên berê dubare kirin. Sûcên derheqê xwe qebûl nekir û tehlîyekirina xwe daxwaz kirin. &nbsp;Her wiha cerdevanan destnîşan kirin ku bi mexdûriyetek re rûbirû nin. Berîvan Aydemîr jî, sûcên li ser xwe qebûl nekir û S.A yê sûcdar kir. &nbsp;

	&nbsp;

	Parezerê cerdevanan Îdrîs Tekas, jî muwekîlên xwe bi îdîayê ‘mexduriyetê’ parast û got: “Berdewamkirina muwekîlên min encama binpêkirina mafan e. Her wiha temenê S.A yê niha 18 ye û ew temen jî nayê wateya ku êrîşek zayendî bibe.”

	&nbsp;

	Parezera S.A yê Hidir Tong jî axivî û destnîşan kir ku bi temenê S.A yê êrîşa zayendî nayê wateya rewakirinê û berdewamiya girtina faîlan daxwaz kir.&nbsp;

	&nbsp;

	Piştî navberek kurt şandeya dadgehê biryara xwe aşkere kir û û berdewamiya girtina Samî Yildiz, Cengîz Aydemîr û Berîvan Aydemîr kir. Her wiha şande ji ber dosya bi berfirehî were lêkolînkirin doz taloqê 13’ê Sibatê ya 2023’yan kir.&nbsp;

	&nbsp;