
'Divê berpirsên Komkujiya Roboskî bên darizandin' 

2022-12-28 15:45:15


	&nbsp;

	&nbsp;

	NAVENDA NÛÇEYAN - Di salvegera 11’emîn a Komkujiya Roboskê de li gelek bajaran daxuyanî hatin dayîn û wiha hat gotin: "Hêj jî birîna Roboskî teze ye û divê berpirsiyarên komkujiyê bên darizandin."

	&nbsp;

	&nbsp;Bi minasebeta Komkujiya Roboskî li gelek bajaran daxuyanî hatin dayîn û hat xwestin ku polîtîkaya bêcezahiştinê bê rakirin û bepirsiyar bên darizandin.&nbsp;

	&nbsp;

	Balafirên artêşa tirk di 28’ê kanûna 2011’an de ser sînorê gundê Roboskê yê navçeya Qileban a Şirnexê bomberan kirin û 19 jê zarok 34 kes qetil kirin. Qurbaniyên komkujiyê di salvegera 11’emîn de li gelek bajaran bi daxuyaniyan hat bibîranîn.&nbsp;

	&nbsp;

	Riha&nbsp;

	

	Platforma Ked û Demokrasiyê ya Rihayê jî li ber Baroya Rihayê daxuyanî da. Parlamentera HDP’ê Ayşe Surucu û gelek kes tev li daxuyaniyê bûn. Li ser platformê parêzer Nîhat Şahîn daxuyanî da. &nbsp;Ayşe Surucu jî qurbaniyan bi bîr anî û tevî ku AKP’ê vê qetlîamê pêk anî jî hesabê wê neda.&nbsp;

	&nbsp;

	Stehbol&nbsp;

	&nbsp;

	Komeleya Mafên Mirovan (ÎHD) a Şaxa Stenbolê daxuyaniya nivîskî weşand û got ji bo komkujiyên nû neqewimin divê berpirsên qetlîama Roboskî û hemû qetlîaman bên darizandin.&nbsp;

	&nbsp;

	Edene&nbsp;

	&nbsp;

	

	&nbsp;

	ÎHD’a Edeneyê jî li parkeke bajêr daxuyanî da û qurbaniyan bi bîr anî. Nûnerên rêxistinên sivîl û partiyên siyasî tev li çalakiyê bûn û ji bo qurbaniyan rêz girtin. Rêveberê Navenda ÎHD’ê Îlhan Ongur daxuyanî xwend û got ew li cem malbatên Roboskî ne û dê komkujiyê nedin jibîrkirin. Ji malbatên Roboskiyê Zeynep Dundar jî destnîşan kir ku hê jî birîna wan teze ye û xwest bila berpirsiyarên komkujiyê bên darizandin.&nbsp;

	&nbsp;

	Piştî axaftinan çalakiya rûniştinê hat lidarxistin.&nbsp;

	&nbsp;

	Mêrsîn&nbsp;

	&nbsp;

	Rêxistina Partiya Demokratîk a Gelan (HDP) a Mêrsînê jî li parkek bajêr daxuyanî da û qurbaniyan bi bîr anî.&nbsp;

	&nbsp;

	Enqere&nbsp;

	&nbsp;

	Hewldana ji bo Roboskî Edalet jî li ber avahiya ÎHD’a Enqereyê daxuyanî da. Parlamenterê HDP’ê Omer Farûk Gergerlîoglû, Hevserokê Giştî yê ÎHD’ê Ozturk Turkdogan, Hevserokê KESK’ê Mehmet Bozgeyîk û nûnerên partiyên siyasî û rêxistinên sivîl beşdarî daxuyaniyê bûn. Rêvebera Navenda ÎHD’ê Nûray Çevîrmen daxuyanî xwend û got birîna malbatên Roboskî wek roja ewil xwîn dibe.&nbsp;

	&nbsp;

	Hatay&nbsp;

	&nbsp;

	

	&nbsp;

	ÎHD’a Hatayê jî li avahiya xwe daxuyanî da, nûnerên rêxistinên sivîl û partiyên siyasî tev li bûn û qurbaniyan bi bîr anîn. Rêveberê ÎHD’a Hatayê Selman Altinoz daxuyanî xwend û xwest heqîqeta bûyerê were ronîkirin û ji berpirsiyaran hesab bê pirsîn û bên darizandin.&nbsp;