
Rêxistinên elewiyan piştî komxebatê deklarasyon eşkere kirin 

2022-12-25 17:06:00


	&nbsp;

	STENBOL – Rêxistinên Elewiyan piştî Komxebata Mezin a Elewiyan deklarasyonek parve kirin û diyar kirin ku divê li ser bingeha hemwelatiya wekhev makeqanûneke nû were çêkirin û daxwazên xwe rêz kirin. Her di komxebatê de bal kişandin ser Komkujiya Parîsê.&nbsp;

	&nbsp;

	Li ser biryara Serokkomarê AKP’î Tayyîp Erdogan di bin sîwaneya Wezareta Çand û Turîzmê de Serokatiya Çand û Cemxane ya Elewî-Bektaşî hatibû avakirin. Rêxistinên elewiyan li dijî vê biryarê îro li Stenbolê “Komxebata Elewiyan a Mezin” li dar xist. Bi hezaran kes tev li komxebatê bûn û piştre jî deklarasyonek hate ragihandin.&nbsp;

	&nbsp;

	Partiyên siyasî peyamên xwe dan

	&nbsp;

	Hevserokên Giştî yên HDP’ê Mîthat Sancar û Pervîn Bûldan peyam şandin kongreyê û nameya wan hat xwendin û di nameya xwe de kongreyê li civaka elewî pîroz kirin û destnîşan kirin ku têkoşîna elewiyan têkoşîna wan e.&nbsp;

	&nbsp;

	Her wiha peyamên Serokê Giştî yê CHP’ê Kemal Kiliçdaroglû, Serokê Giştî yê Partiya Pêşerojê Ahmet Davûtoglû jî hatin xwendin.

	&nbsp;

	Komkujî şermezar kir

	&nbsp;

	Hevberdevka AABK’ê Nevîn Kamîlagaoglû jî axivî û anî ziman ku ew ê destûrê nedin tunehesibandina elewiyan. Hevberdevkê AABK’yê Huseyin Mat jî bertek nîşanî êrişa li dijî Navenda Çanda Kurd a Ahmet Kaya ya li Parîsê pêk hat da û ew ê vê qetlîam û nijadperestiyê şermezar dikin.&nbsp;

	&nbsp;

	Deklarasyon

	&nbsp;

	Di deklarasyonê de hat gotin ku li Tirkiyeyê sepanên yekperest û senteza tirk-îslamê li her qadên jiyanê didomin û îktîdar bi mekanîzmaya zextê ya civakî û polîtîk ve hîn bêhtir sazûman dike. Rêxistinên elewiyan di deklarasyonê de bertek nîşanî polîtîkaya necezakirinê, tundiya li dijî jinan, bêedaletiya di parvekirina dahatê de, neçareserkirin pirsgirêka kurd, polîtîkayên zext û pişaftinê dan û gotin ku bi qedexe û sepanên keyfî welêt mîna girtîgehê bûye.&nbsp;

	&nbsp;

	Daxwazên rêxistinên elewiyan&nbsp;

	&nbsp;

	Di deklarasyonê de ev daxwaz hatin rêzkirin:&nbsp;

	&nbsp;

	"* Bila statûya perestgehê ya cemxaneyan were qebûlkirin, hemû mafên ji ber vê statûyê werin naskirin, dergeh û cihên me yên ku hatine desteserkirin bila dîsa li me vegerînin û qanûnên li dijî me hatine derxistin bên betalkirin.&nbsp;

	&nbsp;

	* Bila dersên olê yên mecbûrî ku li tevahiya civakê tê ferzkirin êdî mecbûrî nebin û pergala perwerdeyê ne pergala olî be.&nbsp;

	&nbsp;

	* Divê Wezareta Karên Diyanetê dev ji hewldanên xwe yên domînekirina tevahiya civakê berde, di mijara pirsgirêkên me yên siyasî yên bingehîn de divê êdî li ser navê me neaxive û ji bo tesfiyekirina vê wezaretê gav bên avêtin.&nbsp;

	&nbsp;

	* Divê çavkanî û kadroyên cemaweriyê li gorî rêgezên liyaqet, edalet û wekheviyê bên parvekirin û di serî de elewî, divê cihêkariyê neyînî ya li dijî hemû beşên din ên civakê bê bidawîkirin.&nbsp;

	&nbsp;

	* Bila Madimak bibe muzeya şermê.&nbsp;

	&nbsp;

	* Ji bo ku sûcên nefretê yên li dijî elewiyan bên teşhîrkirin û pêşîlêgirtina van sûcan hewceye tevdîrên pêwîst ên hiqûqî bên girtin.&nbsp;

	&nbsp;

	* Divê bi qirkirin û komkujiyên li dijî elewiyan hatine kirin û sepanên pişaftinê re hevrû bibin.&nbsp;

	&nbsp;

	* Divê dawî li hewldanên talan, wêran û desteserkirina deverên me yên pîroz û erdnîgariya me bînin.&nbsp;

	&nbsp;

	* Êdî divê navên cihên elewiyan neyên guherandin û navên hatin guherandin jî dîsa lê werin vegerandin.&nbsp;

	&nbsp;

	* Bila rojên ku di baweriya elewiyan de pîroz bibin rojên betlaneya fermî.&nbsp;

	&nbsp;

	* Ji bo cihêkariya di qada cemaweriyê de bi dawî bibe, hewceya li ser bingeha hemwelatiya wekhev makeqanûneke nû were amadekirin û daxwazên xwe li vir dîsa radigihînin.”&nbsp;

	&nbsp;

	&nbsp;