
Li Parîsê êrişî Navenda Çandê ya Ahmet Kaya hat kirin: 3 kes hatin qetilkirin  

2022-12-23 14:35:47


	&nbsp;

	
					NAVENDA NÛÇEYAN - &nbsp;Li paytexta Fransa Parîsê êrişek çekdarî li dijî Navenda Çanda Kurd a Ahmet Kaya pêk hat. Hate ragihandin, ku 3 kesan jiyana xwe ji dest dan û 4 kes jî birîndar bûn.
				
					&nbsp;
				
					Li Navenda Çanda Kurd a Ahmet Kaya ku li taxa Saint Denisê ya Parîsa Fransayê ye êrişek çekdarî pêk hat. Li gorî nûçeya ANF'ê, li komeleyê &nbsp;hin kes birîndar bûne. Her wiha hat diyarkirin ku li kargehên kurdan ên li derdora navendê ne jî gule hatine reşandin.
				
					&nbsp;
				
					Li gorî medya Fransayê ku agahiyên xwe dispêre çavkaniyên polîsan, 3 kesan jiyana xwe ji dest dan, 4 kes jî birîndar bûne.
				
					&nbsp;
				
					Li gorî AFP'ê, çavkaniyeke polîsan ragihand ku êrişkar hatiye girtin, yekî derdora 60 salî ye. Şahidekî jî diyar kir ku 7 heta 8 caran gule li komeleyê hatiye reşandin.
				
					&nbsp;
				
					Şaredarê Parîsê û Alîkarê Yekemîn li ser Twitterê ragihand ku li avahiya şaredariya 10'emîn a paytextê beşa lezgîn a medîko-psîkolojîk hatiye avakirin.
				
					&nbsp;
				
					Dozgeriya Parîsê daxuyanî da BFMTV û got, "Têkildarî sûcên tundiyê yên girankirî, kuştina bi zanebûn, lêpirsîn hatiye destpêkirin." Dozgeriyê diyar kir ku kesekî 69 salî hatiye binçavkirin.&nbsp;
				
					&nbsp;
				
					&nbsp;
			
			
				&nbsp;
		
	
	&nbsp;