Derheqê kesên kuştina Pakîze şermezar kirin de lêpirsîn hat destpêkirin 

2022-12-20 12:11:44


	 

	 

	MÊRDÎN - Li Kerboranê derbarê kesên li dijî qetilkirina Pakistan Demîr de meş li dar xistibûn lêpirsîn hat destpêkirin. Midûriyeta Polîsan li van kesan geriya û ji wan xwest biçin îfade bidin. 

	 

	Li gundê Zengana bi ser navçeya Kerboranê ya Mêrdînê ve di 16’ê îlonê de Pakistan Demîr (34) ji aliyê mêrê pê re zewicî Mehmet Emîn Oner ve hatibû kuştin. Ferdên malbata Pakistan û gelek welatiyên navçeyê li dijî vê kuştinê meş li dar xistibûn û protesto kiribûn. Serdozgeriya Komarê ya Kerboranê bi îdiaya “li dijî qanûna meş û xwepêşandanan muxalefet kirine” derbarê ferdên malbata Pakistan û gelek kesên ku rêveberên HDP’ê jî di nav de lêpirsîn da destpêkirin. Midûriyeta Polîsan li van kesan geriya û ji wan xwest biçin îfade bidin. Hevseroka HDP’a Mêrdînê Bêrîvan Bahçecî di nav van kesên lêpirsîn li wan hatiye vekirin de cih digire.