Pêkhateyên Şengalê li dijî tecrîdê meşiyan 

2022-12-06 15:57:16


	 

	 

	NAVENDA NÛÇEYAN - Bi sedan xelkê Şengalê li dijî tecrîda giran a li ser Rêberê PKK'ê  Abdullah Ocalan meşiyan û bang li saziyên mafê mirovan kirin ku derbarê Abdullah Ocalan de agahî bidin.

	 

	Li Şengalê bi sedan kes, dî bi pêşengiya Tevgera Azadiya Jinên Êzidî (TAJÊ) û Meclisa Xweseriya Demokratîk a Şengalê (MXDŞ), li dijî tecrîda giran a li ser Rêberê PKK'ê Abdullah Ocalan meşiyan.

	 

	Di meşa li Zîra Sinûnê destpêkirî de, wêneyên Abdullah Ocalan hatin rakirin û bê navber dirûşmeya ‘Bê Serok jiyan nabe’ hate qêrîn. Meşa gel heya Çerxerêya Mam Zekî dewam kir. Livir gel li hev kom bûn û daxuyaniyek hate dayîn.

	 

	Di daxuyaniya ji aliyê serokeşîr Nayif Şemo ve hatî xwendin de ev tişt hatin gotin; “Di dema herî zehmet de Rêber Apo li Şengalê xwedî derket, em weke êzidî, ereb û hemû pêkhateyên Şengalê, divê xwedî li Rêber Ocalan derbikevin. Niha tu agahî ji Rêbertî nayê girtin, ev jî guman bimere dide çêkirin. Ji bo em karibin, agahî ji Rêber Apo bigrin, divê em her dinava çalakiyan de bin. Em bang li hemû saziyên mafên mirovan dikin, da ku demek zû de derbarê rewşa Rêber Apo de agahî bidin û bi raya giştî re parve bikin.”

	 

	Piştî daxuyaniyê dirûşmeyên dilsoziya bi Abdullah Ocalan re hatin qêrîn.