
Desteya Perwerde û Fêrkirinê:Dewleta tirk dixwaze destkeftiyên gel têk bibe 

2022-12-06 13:28:59


	&nbsp;

	&nbsp;

	&nbsp;

	KOBANÊ - Êrişên Tirkiyeyê yên li ser Rojavayê Kurdistanê dewam dike. Bi êrişan çand, huner, xizmet û perwerde dibin hedef. Têkildarî mijarê Desteya Perwerde û Fêrkirinê ya herêma Firatê daxuyanî da. Di daxuyaniyê de hat gotin dewleta tirk dixwaze çand û zimanê kurdî ji holê rabe.&nbsp;

	&nbsp;

	Desteya Perwerde û Fêrkirinê ya herêma Firatê diyar kir ku dewleta tirk dixwaze çand û hunera gelê Kurd ji holê rake, ji ber vê saziyên perwerdehiyê dike hedef.

	&nbsp;

	Dewleta tirk herî dawîn di 22’ê Mijdarê de dibistaneke gundê Koranê kir hedef û dibistan rûxand. Di heman demê de dewleta tirk di 5’ê Kanûnê de wesayîteke mamosteyan teqand. Di vê teqînê de kesek birîndar bû û xisareke maddî pêk hat.&nbsp;

	&nbsp;

	Desteya Perwerde û Fêrkirinê ya Herêma Firatê di derbarê êrîşên dewleta tirk a li ser dibistan û cihê perwerdehiyê de daxuyaniyek dan. Li ser navê Rêveberiya Akademiya Şehîd Viyan Amara Seîda Xelîl daxuyanî xwend.&nbsp;

	&nbsp;

	Di daxuyaniyê de ev tişt hate gotin, “Wekî ku tê zanîn dewleta tirk her dem gefê li ser herêma me dixwe. Dixwaze axa me dagir bike û guhertina demografîk pêk bîne. Bi destpêkirina şerê Sûriyeyê re dewleta tirk dixwaze destkeftiyên gel têk bibe, wan ji mafê wan ê jiyan û birêvebirinê dûr bixe û gelan tune bike. Dewleta tirk bi gelek rê û rêbazan dixwaze vê armanca xwe pêk bîne. Dewleta tirk di warê lojîstîk û leşkerî de piştgiriyê dide çeteyan, hemû hêzên xwe yên leşkerî dixe dewrê û bi welatên cîhanî re planên qirêj dike.&nbsp;

	&nbsp;

	'Dewleta tirk dixwaze çand û zimanê me ji holê rake'

	&nbsp;

	Dewleta tirk di 5’ê Kanûna 2022’yan de li wesayîta Desteya Perwerde û Fêrkirinê ya herêma Cizîrê da. Dewleta tirk ne bi tenê li saziyan dide, di heman demê de dixwaze çand û zimanê me jî tune bike. Dewleta tirk a dagirker dixwaze tirsê têxe nava zarokên me yên ku bi zimanê xwe perwerde dibe. Ev êrîşên hovane di bin çavdêriya dewletên navneteweyî û herdu dewletên garantor Emerîka û Rûsyayê de li ser gelê sivîl pêk tên. Ev jî nîşan dide ku ev dewletên garantor bi faşîzma dewleta tirk re &nbsp;ne.

	&nbsp;

	Em Desteya Perwerde û Fêrkirinê ya Herêma Firatê van êrîşan şermezar dikin û bang li civaka navdewletî û rêxistinên mirovî û mafê mirovan dikin ku hovîtiya dewleta tirk û faşîzma hikumeta AKP’ê li dijî Bakurê Sûriyeyê rawestînin. Her wiha bombebarana dewleta tirk a li ser herêmê û hedefgirtina deste û saziyên sîvîl jî rawestînin. Bi taybet em bang li koalîsyona navneteweyî ya bi pêşengiya Dewletên Yekbûyî yên Emerîkayê (DYA) û Federasyona Rûsyayê dikin ku erkên xwe yên ji bo parastina ewlehî û aramiya herêmê bi cih bînin." &nbsp;