
Şandeya Katalonyayê bi Kongreya Star re civîn li dar xist

2022-12-05 15:41:08


	&nbsp;

	&nbsp;

	NAVENDA NÛÇEYAN - Şandeya Katalonyayê li bajarê Qamişloyê bi Kongreya Star re civîn li dar xist.

	&nbsp;

	Şandeya Katalonyayê ya bi serokatiya parlamenter Robin Wansberg serdana navenda Kongreya Star a li bajarê Qamişloyê kir. Şande ji aliyê endamên Komîteya Têkilî û Lihevkirinên Demokratîk a Kongreya Star ve hat pêşwazîkirin.

	&nbsp;

	Endamên komîteyê Rûken Ehmed û Menal Mihemed Kongre Star bi şandeyê re dane nasîn.

	&nbsp;

	Di hevdîtinê de gelek mijar, wekî konfederaliya demokratîk, doza gelên bindest û bê welat û pirsgirêka demokrasiyê di sîstema netewedewlet de hatin nîqaşkirin.

	&nbsp;

	Herdu aliyan girîngiya pêşxistina çalakî û têkiliyên hevbeş destnîşan kirin.

	&nbsp;

	Hêjaye bibîrxistinê ye ku şandeya Katalonyayê roja Şemiyê (3'yê Kanûnê) serdana Daîreya Têkiliyên Derve ya Rêveberiya Xweser a Bakur û Rojhilatê Sûriyeyê û Kombenda Efrîn a Civakî yên li Qamişloyê kirin.

	&nbsp;