Êrîşên li ser Rojava dewam dikin 

2022-12-01 13:55:10


	 

	 

	NAVENDA NÛÇEYAN - Êrîşên dewleta tirk ên li ser Bakur û Rojhilatê Sûriyeyê dewam dikin. Bi droneyeke kamîkaze êrîş li ser gundekî Kobanê hate kirin. Di êrîşê de 2 leşkerên Şamê birîndar bûn.

	 

	Dewleta tirk bi droneyeke kamîkaze êrîş bir ser nuqteyeke hêzên hikumeta Şamê yên li gundê Koranê yê li rojhilatê Kobanê.

	 

	Li gorî agahiyên destpêkê, di êrîşê de 2 leşkerên Şamê birîndar bûn. Birîndar rakirin Nexweşxaneya Kobanê.

	 

	Dewleta tirk bi dema herêmî saet di 11:50'î de li gundê Gozeliyê yê li rojavayê Til Temirê bi topan êrîş kir.

	 

	Heman hêza dagirker bi dema herêmî sae di 02:45'an de navenda navçeya Zirganê, gundên Rebîat, Til Werd, Bobî, Mihermele, Dad Ebdal, Esediyê bi obus û hawanan bombebaran kir.