
Kesê ji doza êrîşa zayendî dihat darizandin beraet kir  

2022-11-30 13:34:28


	&nbsp;

	&nbsp;

	ŞIRNEX - Ahmet Acar ê ku li Basayê êrîşa zayendî li zaroka 11 salî kir û derbarê wî dedoz hatibû vekirin hat beraetkirin

	&nbsp;

	Li navçeya Basa ya Şirnexê dikandar Ahmet Acar yê 68 salî, di 5'ê Tîrmehê de êrîşa zayendî li zaroka 11 salî kiribû. Bûyer piştî ku zarokê ji bavê xwe re vegot û malbatê bi rêya parêzerên xwe giliyê Ahmet Acar kir eşkere bibû. Piştî giliyê hat kirin Ahmet Acar hatibû binçavkirin û piştre jî bi şertê kontrola edlî serbest hatibû berdan. Piştre Serdozgeriya Komarê ya Cizîrê der barê kiryar de ji sûcê "Êrîşa zayendî ya li dijî zaorkê" &nbsp;îdîaname amade kir. Îdîaname ji aliyê 1'emîn Dadgeha Cezayê Giran a Cizîrê ve hatibû qebûlkirin.

	&nbsp;

	Îro danîşîne duyemîn a dozê hat dîtin. Şandeya dadgehê, faîl û parezêr li eywana dadgehê amade bûn. Zarok jî bi rêya SEGBÎS’ê tevli danîşînê bû.

	&nbsp;

	Danîşîn bi îfadeya zarokê destpê kir. Zarokê di îfadeya xwe de diyar kir ku ew ji Ahmet Acar ne gilîkar e û anî ziman ku bûyer nayê bîra wê.

	&nbsp;

	Parezera zarokê jî destnîşan kir ku zarok di bin zexta kiryar Ahmet Acar &nbsp;de ye û daxwaza girtina Ahmet Acar kir.

	&nbsp;

	Ahmet Acar jî di parastina xwe de hemû îddîayên derbarê xwe de red kirin û berdana xwe xwest.&nbsp;

	&nbsp;

	Şandeya Dadgehê piştî navberek kurt biryara xwe eşkere kir û Ahmet Acar beraet kir.

	&nbsp;