
Berxwedana li rojhilatê Kurdistan û Îranê dewam dike  

2022-11-12 12:49:42


	&nbsp;

	&nbsp;&nbsp;

	NAVENDA NÛÇEYAN - Serhildana li rojhilatê Kurdistan û Îranê ya li dijî qetilkirina Jîna Emînî û ji bo azadiyê dewam dike. Duh jî li bajarên Rojhilatê Kurdistan û Îranê çalakî hatin lidarxistin.&nbsp;

	&nbsp;

	Serhildana li Rojhilatê Kurdistan û Îranê ya ji bo azadî û dijî qetilkirina jina ciwan ya Kurd Jîna Emînî duh di roja xwe ya 56’an de &nbsp;dewam kir. Li bajarên Sine, Mahabad, Bokan, Kamyaran û gelek herêmên din ên Rojhilatê Kurdistanê, ciwan bi çalakiyên cûda nerazîbûnên xwe anîn ziman. Ciwanan bê navber nerazîbûna xwe dijî hikumetê anîn ziman û li kolanan agir pêxistin û dirûşma ‘Jin, Jiyan, Azadî’ qêriyan.

	&nbsp;

	Li Serdeşt ya Rojhilatê Kurdistanê ji ber kuştina welatiyek bi navê Hêmin Hemze li gundê Bêwranî ya heman bajarokî xwepêşandanek mezin hate lidarxistin. Cenazeyê Hêmin bi dirûşma ‘Şehîd namirin’ spartin axê û piştî merasîmê xwepêşandan hate lidarxistin. Hêzên rejîmê li wir jî êrişî çalakvanan kirin û alozî derket.

	&nbsp;

	Li bajarê Xuremawa ya Loristanê jî cenazeyê welatiyê bi navê Sam Bîranwend spartin axê û li wê derê jî hêzên rejîmê gule bi ser welatiyan reşandin, girseya tevlî merasîmê bû dest bi xwepêşandanê kir. Li bajarên Beluçistan taybet jî Zahîdan, Rask, Wêranşar, Xaş, Pîşin, Serawan û Çabehar xwepêşandan û çalakî hatin lidarxistin.

	&nbsp;

	Herwiha Li gelek bajarên Beluçistanê hêzên rejîmê hewldan bi rêya êrişan dawî li xwepêşandanan bînin. Li Tahranê jî çileya zarokê 17 salî yê bi navê Îhsan Xan Mihemedî hate lidarxistin û piştî wê jî xwepêşandan hate lidarxistin. L Qum ê jî çalakî hatin lidarxistin û dirûşma ‘Jin, Jiyan, Azadî’ li ser dîwaran hate nivîsandin. Li çiyayek Tahranê komek çalakvan, ji bo piştgiriya serhildana li Rojhilatê Kurdistan û bajarên din ên Îranê pankarta ku li ser "Jin, Jiyan, Azadî" hatibû nivîsandin bilind kirin.

	&nbsp;

	&nbsp;

	&nbsp;