
Serhildana li Rojhilatê Kurdistan û Îranê didome 

2022-11-08 10:24:02


	&nbsp;

	
		&nbsp;
	
		NAVENDA NÛÇEYAN - Serhildan û xwepêşandanên li Rojhilatê Kurdistan û Îranê bi daxwaza azadî û jiyanê dest pê kir her diçe mezin û belav dibe. Gel qadan vala nahêle û dirûşma "Jin jiyan azadî" tê berzkirin.&nbsp;
	
		&nbsp;
	
		Xwepêşandanên piştî qetilkirina Jîna Emînî dest pê kir û veguherî serhildaneke daxwaza mafê azadî û jiyanê dike, bê navber li gelek bajarên Rojhilatê Kurdistan û Îranê didome.
	
		&nbsp;
	
		Li gel xwepêşandanên ji pêkhate û neteweyên cihê yên li Îranê xwendekar jî di van çalakiyan de xwedî rol in. Xwedekarên zanîgeha Êrşadî ya li Tehranê nerazîbûnên xwe nîşan da.
	
		&nbsp;
	
		Xwendekaran li Merîwanê jî nerazîbûnên xwe nîşan dan.
	
		&nbsp;
	
		Weke her carê dîsa li Merîwanê welatî daketin kolanan, agir dadan û nerazîbûn nîşan dan. Li aliyê din welatiyan deriyê dikan û bazaran venekirin.
	
		&nbsp;
	
		Li merasîma veşartina cenazeyê Îrfan Zemanî hêzên rejîma Îranê bi guleyan êrîşî welatiyan kirin.
	
		&nbsp;
	
		Li aliyê din bi nêzî 600 mamoste nerazîbûn nîşanî helwesta rejîma Îranê da û xwestin hemû xwepêşanderên ku di xwepêşandanan de hatibûn binçavkirin werin berdan.
	
		&nbsp;
	
		Ciwan li Bokanê jî daketin kolanan li Çerxerêya Eşaîr agir dadan rê li çûn û hatinê girtin.
	
		&nbsp;
	
		Li aliyê din li gelek bajarên Îranê jî xwepêşandan hebûn û welatî daketin kolanan agir dadan û helwestên xwe raberî rejîma Îranê kirin.
	
		&nbsp;
	
		Li gorî Rêxistina Mafê Mirovan a Îranê ji destpêka xwepêşandanan heta niha herî kêm 304 kes ku 41 ji wan zarok in, li Îran û Rojhilatê Kurdistanê hatine qetilkirin.
	
		&nbsp;
	
		Koma Mucahîdên Gel ên ku li Îranê hêzeke mûxalif in diyar kir xwepêşandan li 216 bajaran belav bûne û derdora 530 kes hatine qetilkirin. Vê komê lîsteya navê 358 kesên hatine qetilkirin, weşand.
	
		&nbsp;
	
		Rejîma Îranê jî bi deh hezaran kes kir bin çavan, bi hezaran kes jî girt. Di nav wan de rojnamevan, parêzer, çalakvan, kesên navdar û parêzvanên mafên mirovan hene.
	
		&nbsp;
	
		Agahî tên ku bi dehan çalakvan jî di rûniştinên çend deqîqeyan de cezayê darvekirinê li wan tê birîn.


	&nbsp;