
Biryara bi sedem a Leyla Guven eşkere bû  

2022-11-04 15:39:29


	&nbsp;

	&nbsp;

	AMED - &nbsp;Di biryara bisedem a 11 sal û 7 meh û 15 roj cezayê hefsê ku li Hevseroka KCD’ê Leyla Guven hate birîn de bi sûcê “endaman li rêxistinê zêde dike û hejmara alîgiran zêde dike” hate sûcdarkirin û hate gotin ku “cezakirina wê pêdiviyeke civakî ya lezgîn e”.&nbsp;

	&nbsp;

	9’emîn Dadgeha Cezayê Giran a Amedê di 17’ê cotmehê de bi îdiaya ku di 3 axaftinên cuda de “propaganadaya rêxistinê kiriye” 11 sal û 7 meh û 15 roj cezayê hefsê li Hevseroka Kongreya Civaka Demokratîk (KCD) Leyla Guven birîbû. Dadgehê biryara bisedem a cezayê hefsê yê li Leylayê birîbû, aşkere kir. Dadgehê di biryara bisedem a ji 46 rûpelan pêk tê de îdiakir ku axaftinên Leylayê yên di 6 çalakî û aktîvîteyan de “propagandaya rêxistinê” di nava xwe de dihewîne. Dadgehê di biryara bisedem de cih da rexneyên Leylayê yên li dijî operasyona leşkerî ya dewleta tirk a li dijî Bakur û Rojhilatê Sûriyeyê û diyar kir ku dewleta tirk rêxistinên li wir weke “rêxistina terorî” dibîne.&nbsp;

	&nbsp;

	Cezakirin wekî pêdiviyeke civakî hat dîtin

	&nbsp;

	Di biryara bi sedem de, ku tam nehat aşkere kirin ka Leylayê bi kîjan gotin an jî çalakiyan hate cezakirin, hat îdîakirin ku çalakî û xebatên Leylayê bi armanc û talîmatên PKK’ê, KCK’ê û YPG'ê re weke hev in. Di biryarê de Leylayê bi sûcê “endaman li rêxistinê zêde dike û hejmara alîgiran zêde dike” hate sûcdarkirin û hate gotin ku “Cezakirina Leylayê pêdiviyeke civakî ya lezgîn e”.&nbsp;

	&nbsp;