
Li Kobanê bi hezaran kes li dijî tecrîdê meşiyan  

2022-11-02 14:37:49


	&nbsp;

	&nbsp;

	KOBANÊ - Bi hezaran şêniyên kantona Kobanê li dijî tecrîda li ser Rêberê PKK'ê Abdullah Ocalan li Qada Jina Azad meşek girseyî li dar xistin û gotin:"Bi hêz û îradeya gel rizgarkirina Rêbertî pêkan e."

	&nbsp;

	Girseya xwepêşandêran ji saetên serê sibehê de berê xwe da Qada Jin Azad a li naverasta Kobanê û li dijî siyaseta dewleta tirk a li hember Rêberê PKK'ê Abdullah Ocalan di girtîgeha Îmraliyê de dimeşîne û tecrîda giran, çalakî kirin.

	&nbsp;

	Wêneyên rêber Rêberê PKK'ê Abdullah Ocalan û wêneyên sembola serhildana li Rojhilatê Kurdistanê û Îranê Jîna Emînî di çalakiyê de hatin bilindkirin.

	&nbsp;

	Xwepêşandêr heta Qada Aştiyê ya li bakurê bajêr ya nêzî deriyê sînorî yê bi Bakurê Kurdistanê re, meşiyan.

	&nbsp;

	Li wê derê, endama rêveber a Meclisa Jinan a Partiya Yekitiya Demokratîk (PYD) Sara Xelîl axivî. Sara destnîşan kir ku asta beşdarbûna xwepêşandanê, bandora fikrên Rêberê PKK'ê Abdullah Ocalan a li ser gel û têkoşîna gel a ji bo pêkanîna azadiya fîzîkî ya Rêberê PKK'ê Abdullah Ocalan nîşan dide.

	&nbsp;

	Sara Xelîl wiha axivî: “Rêxistinên têkildar, hîna li hember kiryarên li dijî rêber Apo di Girtîgeha Îmraliyê de tên kirin bê helwest in, nîşaneyek berçav e ku ew hevkarên dagirkeriya Tirk in. Em bi van lîstokan naxapin. Bi hêz û îradeya gel rizgarkirina Rêbertî pêkan e.”

	&nbsp;

	Li gund û bajarokên cuda yên kantona Kobanê li dijî tecrîda girankirî ya li ser Rêberê PKK'ê Abdullah Ocalan rojane çalakî tên lidarxistin.

	&nbsp;

	&nbsp;

	&nbsp;