
Li Amedê dê girtina rojnamegeran bê şermezarkirin  

2022-11-01 14:45:08


	&nbsp;

	&nbsp;

	AMED - Li Amedê girtina 9 rojnamegeran a li Enqereyê dê bi daxuyaniyeke çapemeniyê bê şermezarkirin.&nbsp;

	&nbsp;

	Di pêşengtiya Komeleya Rojnamevanan a Dîcle Firatê (DFG) û Platforma Rojnamevanên Jin a Mezopotamyayê (MKGP) de girtina 9 rojnamevanan a li Enqereyê dê bê şermezarkirin.&nbsp;

	&nbsp;

	Bi daxwaza berdana rojnamevanan, bi dirûşmeya “Çapemeniya Azad Serî Natewîne” wê li ber avahiya DFG’ê ya li Kolana Hunerê ya semta Ofîsê ya navçeya Yenîşehîr a Amedê saet 12.00’an de daxuyaniyek bê dayîn. DFG’ê û MKGP’ê ji bo parastina mafê nûçe wergirtin û azadiya raman û çapemeniyê herkes vexwend daxuyaniyê.&nbsp;

	&nbsp;

	Di çarçoveya lêpirsîna Serdozgeriya Komarê ya Enqereyê dabû destpêkirin de di 25'ê cotmehê de nûçegihanên JINNEWS'ê Habîbe Eren û Oznûr Deger, Midûra Karên Nivîsê ya Ajansa Mezopotamyayê (MA) Dîren Yûrtsever, nûçegihanên MA'yê Denîz Nazlim, Selman Guzelyuz, Berîvan Altan, Hakan Yalçin, Emrûllah Acar, Ceylan Şahînlî bi îşkenceya polîsan hatin binçavkirin û di 29’ê cotmehê de bi îdiaya “endamtiya rêxistinê” hatin girtin. Nûçegihana MA’yê Zemo Aggoz a di bin çavan de bi cezayê hefsa malê, Mehmet Gunhanê ku demekê li MA'yê stajerî kiribû jî bi şertê kontrola edlî hatibû berdan.&nbsp;

	&nbsp;