
Serhildana li Rojhilatê Kurdistan û Îranê dewam dike 

2022-10-31 11:23:51


	&nbsp;

	&nbsp;

	NAVENDA NÛÇEYAN - Serhildana li Rojhilatê Kurdistan û Îranê di roja 45'an de dewam kir. Her qad bûne qadên serhildanê.&nbsp;

	&nbsp;

	Serhildana li Rojhilatê Kurdistan û Îranê ya ji bo azadî û dijî qetilkirina Jîna Emînî duh di roja xwe ya 45’an de dewam kir. Duh li zanîngehên Sine, dibistanên amadeyî yên li bajarên Seqiz, Merîwan, Pîranşarê, xwendevan daketin qadan û meşiyan. Xwendevanan bê navbe dirûşmeya ‘Jin, Jiyan Azadî’ qêriyan.

	&nbsp;

	Hêzên rejîma Îranê duh bi şev derdora zanîngeh û peymangehên Sine dorpêçkirin û hewl dan çalakiyên xwendevanan dawî bikin.

	&nbsp;

	Li bajarên Serdeşt, Dîwandere, Bokan, Rewanser, Merîwan û taxên Sineyê, bi pêşengiya jin û ciwanan çalakiyên nerazîbûnê hatin lidarxistin.

	&nbsp;

	Li bajarên Îranê jî xwendevanên zanîngeh û peymangehan weke rojên borî neçûn dibistanan û boykotkirin. Xwendevan bê navber meşiyan û nerazîbûnên xwe anîn ziman. Li zanîngeha Azadî ya Tahranê jî hêzên Îranê derdora xwendevanan girtin, li ser vê malbatên xwendevanan herikîn ber derê zanîngehê û nerazîbûna xwe nîşandan.

	&nbsp;

	Duh bi şev li Tahran, Erak, Bender Ebas û gelek bajarên din jî çalakî hatin lidarxistin, wêneyên rayedarên dewletê hatin şewitandin.

	&nbsp;

	Hêzên rejîma Îranê bi şêwazên cûr be cûr dixwazin dawî li serhildana gel bînin, li zanîngeha Elame ya Tahranê, hêzên rejîmê gelek xwendevanan agadarkirin ku mehek neçin dibistanan û li malên xwendevanan jî nemînin.

	&nbsp;

	Li ser van zext û gefan, Rêxistina Mafê Mirovan ya Îranê bi peyamekê bang li zanîngeh û navendên zanistî yên cîhanê kir da ku piştgirî bidin xwendevanên zanîngeh û dibistanên Îranê.

	&nbsp;