
Di ser komkujiyê 130 meh derbas bûn: Kujer nayên darizandin  

2022-10-28 15:47:12


	&nbsp;

	&nbsp;

	ENQERE - Hewldana Ji Bo Roboskî Edalet di meha 130’yemîn de qûrbaniyan bi bîr anîn û destnîşan kir ku faîl tên parastin.&nbsp;

	&nbsp;

	Hewldana Ji Bo Roboskî Edalet di meha 130’î ya komkujiyê de ji bo 34 qurbaniyên gundê Roboskî ku di bombebarana balafirên şer ên Tirkiyeyê de hatin qetilkirin, çalakî li dar xist. Endamên Hewldanê li ber avahiya ÎHD’a Enqereyê civiyan, pankarta “Bila faîl bên dîtin û carek din Roboskî neqewime” vekirin û daxuyanî dan. Hevserokê ÎHD’a Enqereyê Fatîh Kanat daxuyanî da û destnîşan kir ku qetlîam li Roboskî hat kirin û ser vê dozê bi biryara neşopandinê hat girtin. Fatîh anî ziman ku 11 sal in birîna Roboskî vekirî ye û 11 sal in kujer tên parastin û her kes bêdeng e. Fatîh da zanîn ku bi polîtîkaya bêcezahiştinê dixwazin ser rastiya qetlîamê binixûmînin û faîlan rizgar bikin. Fatîh got ku dewlet berpirsiyarên qetlîamê diparêze û lazim e faîl neyên parastin û werin darizandin.&nbsp;