
PYD: Divê civata navneteweyî helwestekê li dijî dewleta tirk nîşan bide  

2022-10-19 13:37:52


	&nbsp;

	NAVENDA NÛÇEYAN - PYD'ê li dijî bikaranîna çekên kîmyewî daxuyanî da û got:"Divê civata navneteweyî helwestekê li dijî dewleta tirk nîşan bide. "

	&nbsp;

	PYD’ê êrişên dewleta tirk ên kîmyewî yên li dijî têkoşerên azadiyê şermezar kirin û dewletên herêmê li ser bêdengiya li hember sûcên dewleta tirk hişyar kirin û bang li gel û hêzên kurdistanî û demokratîk kir ku hemû derfetên xwe li hember êrişên dewleta tirk seferber bikin.

	&nbsp;

	Di daxuyaniya PYD’ê de wiha hate gotin:

	&nbsp;

	"Careke din li pêş çavê civata navneteweyî rejîma dewleta Tirk a faşîst sûcek pêk tîne û li sûcên wê yên li dijî gelê Kurd û tevahî gelên herêmê zêde dibe. Duh Navenda Parastina Gel (NPG) ragihandibû ku di êrişên kîmyewî yên artêşa Tirk a dagirker li dijî gerîlayan de 17 gerîla şehîd bûbûn. Ev sûc ne cara yekemîn e ku xetên sor derbas dike ku tê de çekên kîmyewî yên qedexekirî li dijî gelê me li gelek herêman li beramber bêdengiya navneteweyî ya bi fikar tên bikaranîn.

	&nbsp;

	Em Meclisa Giştî ya PYD’ê bi tundî van sûcên dubarekî yên li dijî gelê me yê Kurd û Tevgera Azadiya Kurdistanê ku parastina hebûna Kurd û mafên wê dike şermezar dikin. Em dewletên herêmê û civata navneteweyî hişyar dikin ku bêdengiya li ser sûcên dewleta Tirk, destwerdan, dagirkirin û bikaranîna wê ji çekên kîmyewî re bêîstîqrariya wê li herêmê zêde dike.

	&nbsp;

	Di heman demê de bang li dewletên herêmê û civata navneteweyî dikin ku doza Kurd bi awayekî durist, mîna rastiyeke dîrokî û hêmaneke ewlehî di nexşekirina pêşeroja dîroka herêmê û pêkanîna xwestekên gelê Kurd de, binasin û fêm bikin. Divê ew têkoşîna gelê Kurd ku têkoşîna ji bo gelên herêmê li dijî Osmaniya Nû û tîmayên wê yên berfireh li herêmê bizanin.

	&nbsp;

	Civata navneteweyî û NY’yê li hember terora rejîma Tirkiyeyê ya li dijî gelê me berpirsiyar in û ev bêdengî û necesareta li hemberê şirîkatî ye. Divê civata navneteweyî helwestekê li dijî dewleta Tirk nîşan bide da ku êrişên xwe yên dijminane yên li dijî gelê me bi dawî bike.”

	&nbsp;

	Her wiha PYD’ê bang li gel û hemû hêzên siyasî û nîştimanî yên Kurdistanî û demokratîk kir ku bibin yek û hemû derfetên xwe di oxira parastina destkeftiyên gel û nirxên me de seferber bikin û asta berxwedanê li gorî prensîba şerê gel ê şoreşger ku garantiya parastina gel û destkeftiyên wî ye, bilind bikin."

	&nbsp;