
Li Rojhilatê Kurdistan û Îranê serhildan dewam dike 

2022-10-19 13:23:22


	&nbsp;

	&nbsp;

	NAVENDA NÛÇEYAN - Çalakiyên ku piştî qetilkirina jina kurd Jîna Mehsa Emînî li Rojhilatê Kurdistan û Îranê dest pê kirin, dewam dike. Li zanîngehan û gelek qadên din jî xwepêşandanên berfireh hene.

	&nbsp;

	Çalakiyên ku piştî qetilkiriba Jîna Mehsa Emînî dest pê kirin, veguherî 'şoreşa jinan'. Li welat xwepêşandanên berfireh dewam dikin, gel li zanîngehan jî di nava çalakiyê de bûn û tevahiya şev ji bajarên Rojhilatê Kurdistan û Îranê dirûşmên "Jin, Jiyan, Azadî", "Rejîma Molla bicehime" û "Bimre dîktator" bilind bûn. Wêneyê Jîna Mahsa Emînî li ser dîwarên avahiyan li Tehranê hat daliqandin, jinan wêneyên porên vekirî bê hîcabê yên nêzî mêr-mollayên bişaşik hatine kişandin parve kirin, jinên ciwan jî dîwar bi nivîsan xemilandin.

	&nbsp;

	Li bajarên ku çalakî didomin, rejîma Îranê ewlehiyên tund digire. Hêzên Muhafizên Şoreşê bi berdewamî li ser heşibandina hêzên Basîj û hêzên taybet, gef û girtina çalakvanên sivîl û girtiyên berê yên siyasî, xwendekaran berdewam kir. Li kolanên Sinê, Seqîz, Mehabad, Bukan, Bane, Pîranşahr, Dehgolan, Dîwandare û Îlamê komkujiyên rejîma Îranê hatin şermezar kirin.

	&nbsp;

	Çalakiyên jinan dewam kirin

	&nbsp;

	Jinên ciwan wêneyên Hamaney û Humeynî şewitandin û pankartên “Bicihim in” li ser bihorka hatin daliqandin. Li Sîstan û Belûçîstan, Ehwaz, Şîraz, Tahran, Îsfehan, Kirman, Hemedan, Kum, Meşhed, Xuzistan, Tebrîz, Erdebîl, Kerec, Reşt, Mazenderan, Yasûc û gelek bajarên din xwepêşanderan dirûşmeyan berz kirin û meş hatin lidarxistin. Cihên Basîjî yên aîde rejîma Îranê hatin şewitandin û pankartên sembola rejîma Îranê dikin hatin şewitandin. Jineke ciwan li ser bust û abîdeyên temsîla rejîma Îranê dikin bi boyaxa sor boyax kir.

	&nbsp;

	Li zanîngehan jî çalakiyan dewam kirin

	&nbsp;

	Duh tevahî rojê tevî zextên ewlekarî û dîsîplînê yên li ser zanîngehên Îranê û Rojhilatê jî, çalakî li Zanîngeha Hunerê ya Tahranê, Zanîngeha Harezmî ya Tahranê, Zanîngeha Allama Tabatabaî, Dibistana Elektronîkê ya Zanîngeha Khwaja Nasir, Zanîngeha Gîlan, Zanîngeha Mazenderanê dewam kirin.

	&nbsp;

	Xwendekarên Zanîngeha Hunerê ya Tahranê pêşkêşkirina reqsa têkel kirin û piştre meş hat li dar xistin. Li Zanîngeha Harezmî jî çalakî û boykot hat li dar xistin. Hewz û tiwaletên zanîngehan ji bo xwîna ji aliyê rejîma Îranê ve tên rijandin bê nîşandan bi rengê sor hatin boyaxkirin.

	&nbsp;