
PENa Navneteweyî xwest zimanê kurdî bibe zimanê perwerdeyê  

2022-10-02 08:14:35


	&nbsp;

	&nbsp;

	NAVENDA NÛÇEYAN - Piştî PENa Navneteweyî 88'emîn Kongreya xwe di 27'ê Îlonê de li bajarê Uppsalayê li dar xist şûnde biryar da ku divê zimanê kurdî li Tirkiyeyê bibe zimanê perwerdeyê.&nbsp;

	&nbsp;

	Di 27'ê Îlonê de PENa Navneteweyî 88'emîn Kongreya xwe li bajarê Uppsalayê li dar xist. Herwekî gelek carên van salên dawiyê, Navenda PENa Kurd careke din bi awayeke fermî beşdarî kongreyê bû.

	&nbsp;

	Di kongreya navborî de du pêşniyarên Navenda PENa Kurd jî hatin pejirandin û bûn biryar ku ev herdu biryar gelekî girîng û watedar in. Li gorî pêşniyara Navenda PENa Kurd, PENa Navneteweyî biryar girt ku divê li Tirkiyeyê zimanê kurdî bibe zimanê perwerdehiyê û divê piştgiriya gelên kurd û îranî bê kirin.&nbsp;

	&nbsp;

	Hêjayî gotinê ye ku Navenda PENa Kurd bi awayekî fermî beşdarî kongreya 88'emîn bû. Seroka Rûmetê ya Navenda PENa Kurd Dr. Bêrîvan Doskî û endamê salan ê Navenda PENê Abdullah Hîcab bi awayeke fermî beşdarî kongreyê bûn.&nbsp;

	&nbsp;

	Bêrîvan Doskî li kongreyê, piştî van biryaran ji Radyoya Swêdê Beşê Kurdî bi Beşîr Kavak re axivî û diyar kir ku pejirandina vê biryara daxwaza perwerdehiya zimanê kurdî li Tirkiyeyê, tê wê wateyê ku qadeke navneteweyî ya nivîskarî û rewşenbîrî ya girîng piştgiriya vî mafê te yê rewa kiriye û daxuyaniya vê biryarê bûye milkeke saziyeke navneteweyî û ev dokûment tiştekî gelekî biha ye ji bo bikaranîna pêşvebirina mafên rewa yên gelê kurd. &nbsp;

	&nbsp;

	Di kongreyê de herwiha pêşniyaza ku PENa Kurd tevî çend navendên PENên din anîbû rojeva delegeyên civînê daxwaza piştgiriya gelê kurd û gelên îranî bû. Ev pêşniyaz jî bi awayeke fermî hate pejirandin.&nbsp;

	&nbsp;

	Derbarê van biryaran de derket holê ku PENên cîhanê li Uppsalayê piştgiriyeke gelekî xurt nîşanî xebat û çalakiyên Navenda PENa Kurd dane û ev yek bi axavtin û daxuyaniyên şandeya Navenda PENa Kurd jî hatiye selmandin. &nbsp;

	&nbsp;

	&nbsp;