
Serhildana Rojhilat li Zirganê bi şewitandina laçikan hat silavkirin   

2022-09-26 16:05:27


	&nbsp;

	&nbsp;

	&nbsp;

	NAVENDA NÛÇEAYAN - Jinên li navçeya Zirganê ya kantona Hesekê li dijî qetilkirina Jîna Mahsa Amînî çalakiyek li dar xist û piştgiriya xwe bi serhildana jinan a li Rojhilatê Kurdistanê û Îranê re nîşan da.

	&nbsp;

	Bi pêşengiya Kongra Star, jinên navçeya Zirganê ya kantona Hesekê, li dijî qetilkirina Jîna Mahsa Amînî çalakiyeke protestoyî li dar xist. Beşdaran pankartên “Em hemû Jîna Amînî ne" û wêneyên wê tevî ala Kongra Star hilgirtin.

	&nbsp;

	Di çalakiyê de endama Komîteya Parastina Jinan a Kongra Star a navçeyê Semah Hemadî axivî. Semah, diyar kir ku sûcê hovane yê ku rayedarên dewleta Îranê li dijî Jîna Amînî pêk anî, şermezar kir û Jîna wek dengê jinên azad ên Îranê bi nav kir û got: "Porê min û laşê min ne şerm in, lê kirinên we şermeke mezin in. Jîna nemiriye, bi hezaran Jîna li pey xwe hiştin."

	&nbsp;

	Çalakî bi şewitandina laçikan bi dawî bû.

	&nbsp;