
Cenazeyên 2 endamên YJA-STAR’ê Hacer û Aliye radestî malbatan kirin  

2022-09-24 11:53:17


	&nbsp;

	AMED - Cenazeyên Hacer Sucîn û Aliye Kiye ji hêla malbatan ve hat vergirtin û ber bi Wan û Sêrtê ve bi rêketin.&nbsp;

	&nbsp;

	Di 20’ê îlonê de di pevçûna li bejahiya Çiyayê Gorese ya navçeya Pîran a Amedê de 3 endamên YJA-STAR'ê Hacer Sûcîn, Hatîce Ay û Aliye Kiye jiyana xwe ji dest dabûn. Cenazeyên wan li Saziya Tipa Edlî hatibûn girtin.

	&nbsp;

	Malbata Hatîce Ay bi armanca wergirtina cenazê li ber Edliyeya Amedê dest bi çalakiya "Nobeta Edaletê" kirin û partiyên siyasî û saziyên sivîl jî piştgirî dan çalakiyê. Dû re Serdozgeriya Komarê ya Amedê paş ve gav avet û duh bi şev cenazê radestî malbatê kir. Malbatê cenazeyê keça xwe nîvê şevê ji Saziya Tiba Edlî (ATK) teslîm girt û birin gundê Hewrê yê giredayî navçeya Pasûrê ya Amedê û bi girseyî veşartin.&nbsp;

	&nbsp;

	Vê serê sibê jî Malbata Hacer Sucîn û Aliye Kiye ji Wan û Sêrtê hatin û li ATK'ê cenazeyên xwe girtin. Rêveberên Partiya Herêmên Demokratîk (DBP) û Komeleya Çand, Yekitî, Piştevanî û Alîkariya Malbatên ku Xizmên xwe li Dergûşa Şaristaniyê Winda Kirine (MEBYA-DER), Komeleya &nbsp;Lêkolînê ya Çand û Zimanên Mezopotamyayê (MED DER) û Hewldana 78'an a Amedê li cem malbatan cih xwe girt.&nbsp;

	&nbsp;

	Malbatên ku cenazeyên xwe girtin ber bi Wan û Sêrtê ve bi rêketin.&nbsp;