
Komeleya Jinan a Rosa û OHD serdana malbata Şenyaşar kir 

2022-09-21 12:53:46


	&nbsp;

	&nbsp;

	RIHA - Komeleya Jinan a Rosa û Şaxa OHD’ê yê Amedê serdana çalakiya "Nobeta Edaletê" ya Malbata Şenyar kir.&nbsp;

	&nbsp;

	Çalakiya "Nobeta Edaletê" ya Emîne Şenyaşar ku di 14’ê hezîrana 2018’an li navçeya Pirsûsê ya Rihayê hevser û du kurên wê ji aliyê xizmên Parlamenterê AKP’ê Îbrahîm Halîl Yildiz ve hat kuştin û kurê Ferît Yaşar ji qetlîamê bi birîndarî filitî, 9’ê adara 2021’î li ber Edliyeya Rihayê dan destpêkirin 562 roj in ku berdewam e.&nbsp;

	&nbsp;

	Malbat serê sibehê zû ji mala xwe li Pirsûsê hat ber edliyeyê û dest bi nobetê kir. Malbatê, pankarta li ser wê "Edalet ji bo malbata Şenyaşar, ji bo her kesê edalet" nivîsandî bi blokên betonî yên li ber edliyeyê ve kir.&nbsp;

	&nbsp;

	Îro, rêvebirên Komeleya Jinan Rosa û Endamên Desteya Rêvebir ên Şaxê Amedê yê Komeleya Hiqûqzanan a ji bo Azadiyê (OHD), serdana çalakiyê kir.

	&nbsp;

	Rêvebira Komeleya Jinan a Rosayê Neslîhan Çoban got: "Dayê Emîne li ber deriyên dadgehê li nobeta edaletê dewam dike. Nehiştin malbat şînê xwe bigerîne. Her deqîqe û çirkeyê li ber van deriyan vê trawmayê dijîn. Divê dawî li vê trajediyê bê anîn."

	&nbsp;