
Ji bo çûyîna Îmraliyê ji Rojhilata Navîn û Efrîqeya Bakur 756 parêzeran serlêdan kir 

2022-09-19 15:54:13


	&nbsp;

	&nbsp;

	NAVENDA NÛÇEYAN - Buroya Hiqûqê ya Asrinê ragihand ku bi mebesta hevdîtina bi Rêberê PKK’ê Abdullah Ocalan re, ji Rojhilata Navîn û Efrîqeya Bakur 756 parêzeran serlêdan kiriye.&nbsp;

	&nbsp;

	Rêberê PKK’ê Abdullah Ocalan ji 15’ê sibata sala 1999’an heta niha li Girtîgeha Tîpa F a bi Ewlekariya Bilind a Îmraliyê di nava şert û mercên tecrîda giran de tê ragirtin. Ji Fas, Filistîn, Herêma Federal a Kurdistanê, Iraq, Lubnan, Misr, Rojava, Sûriye û Urdunê bi giştî 756 parêzeran bi mebesta hevdîtina bi Rêberê PKK’ê Abdullah Ocalan û girtiyên din ên li Girtîgeha Tîpa F a bi Ewlekariya Bilind a Îmraliyê tên ragirtin Omer Hayrî Konar, Hamîlî Yildirim û Veysî Aktaş, serî li Wezareta Edaletê dan.&nbsp;

	&nbsp;

	Têkildarî mijarê Buroya Hiqûqê ya Asrinê li ser hesaba xwe ya Twîtterê agahî parve kirin û wiha got: “Hempîşeyên me xwestin li Silêmaniyeyê daxuyanî bidin lê ji hêla hêzên asayîşê ve hatin astengkirin. Ev mînak nîşan dide ku tecrîd mijareke navneteweyî ye û hewcehiya bi têkoşîna li dijî wê radixe ber çavan. Em spasiya hemû hempîşeyên xwe dikin ku bi nivîskî û li pêş çapemeniyê daxuyaniyên xwe dan û gotin; fikr û felsefeya birêz Ocalan sînorên Kurdistanê derbas kiriye, xwedî hêza çareserkirina aloziya Rojhilata Navîn in û divê tecrîd bê têkbirin û Ocalan azad bibe.”

	&nbsp;

	Di 14’ê îlonê de ji 22 welatan 385 parêzeran bi mebesta hevdîtina bi Rêberê PKK’ê Abdullah Ocalan re serî li Wezareta Edaletê dabûn û têkildarî mijarê li Brukselê daxuyanî dabûn. Di serlêdanê de ji bo sepanên li Îmraliyê pênaseya “tecrîdeke taybet a cihêkar” hatibû kirin.&nbsp;

	&nbsp;

	Bi heman mebestê li başûrê Kurdistanê jî kampanya hat destpêkirin. Komîteya amadekar a kampanyayê li pêşiya Dadgeha Silêmaniyeyê kom bû û xwest daxuyaniyê bide. Lê belê hêzên asayîşê nehiştin ku parêzer daxuyaniyê bidin.&nbsp;

	&nbsp;

	Li gorî komîteyê; ji herêmên cuda yên başûrê Kurdistanê bi giştî 44 parêzeran ji bo çûyîna Îmraliyê serlêdan kirine.&nbsp;

	&nbsp;

	Tê payîn ku di rojên pêş de jî têkildarî kampanyayê li navendeke din daxuyanî were dayîn.&nbsp;