
Îtiraza li dijî girtina 16 rojnamegeran, careke din hat redkirin 

2022-09-08 10:18:20


	&nbsp;

	AMED - Îtiraza ku careke din li dijî girtina girtina 16 rojnamegerên kurd hat kirin, hat redkirin.&nbsp;

	&nbsp;

	Li Amedê 16 rojnamevanên kurd piştî ku 8 rojan di bin çavan de mabûn, di 16'ê hezîranê de hatibûn girtin. Parêzerê rojnamevanan Resûl Temur ji bo rojnamevan bên berdan carek din serî li dadgehê dabû û îtîraz hatibû kirin. Dadgehê carek din îtîraza ji bo girtinê red kir. Ev sê meh in rojnamevan girtî ne û cara duyemîn jî îtîraza ku hatibû kirin, hat redkirin.&nbsp;

	&nbsp;

	Parêzerê rojnamevanan Resûl Temûr li Dadgeha Cezayê Sulhê ya 1'emîn a Amedê îtîraz kiribû û diyar kir ku îtîraza ew dike nayê lêkolînkirin û bi îfadeyên matbu biryara redkirinê tê dayîn. Resûl anî ziman ku girtina miwekîlên wî rê li ber binpêkirina mafan vedike û li şûna ku miwekîlên wî girtî bin dikarin bi şertê kontrola edlî bên berdan. Resûl got her çiqas wî xwestiye miwekîlên wî bên berdan jî lê Dadgeha Cezayê Sulhê ya 1'emîn a Amedê diyar kiriye ku dê tedbîra kontrola edlî kêm bimîne û biryara dewamiya girtina rojnamevanan daye.&nbsp;