'Li Efrînê di mehekê de 43 kes hatin revand, 5 kes jî hatin qetilkirin' 2022-08-02 14:00:37     NAVENDA NÛÇEYAN - Li gorî rapora Rêxistina Mafên Mirovan a Efrîn-Sûriyeyê di nava mehekê de li Efrînê 4 jê jin bi giştî 43 kes hatin revandin, 5 kes hatin qetilkirin û 3 hezar û 300 dar jî hatin birîn.    Rêxistina Mafên Mirovan a Efrîn-Sûriyeyê rapora xwe ya meha tîrmehê ya têkildarî binpêkirinên li Efrînê daxuyanî da.    Di daxuyaniyê de wiha hat gotin: "Di meha bihûrî de li Kantona Efrînê 5 jê kal û 4 jê jin bi giştî 43 kes hatin revandin.    MÎT’ê û komên paramîlîter ên girêdayî wê yên bi navên “Polîsên leşkerî”, “Sûltan Mûrad” û “ewlehiya siyasî” li navçeya Cindirêsê welatiyên bi navên Remzî Şêx Mihemed Mehmûd (32),  Ebdulnîzar Xelîl (24), Mihemed Ciwan Mihemed (28), Ebdurehman Omer Hesen, Mihemed Hesen (27), Mehmûd Elî Hesen (30), Firzet Mihemed Mehmûd (28), Ebdo Mehmûd Derwîş (31) û Mihemed Xelîl Riyad (26) revandin.    MÎT’ê û komên paramîlîter ên “Cebhet El Şamiye û “Polîsên leşkerî û sivîl” li navenda bajarê Efrînê û navçeyên wê yên Raco û Şêrayê û gundên wê welatiyên bi navên Mistefa Kemal Mihemed, Rifet Ehmed Zenkî, Xelîl Hekîm, Elî Şêx Ehmed (65), Horîk Dawûd (69), Muslim Mihemed Elo, Mistefa Murad Zîbar (65), Osman Henan (70), Hemûd Mistefa (38), Fewzî Murad, Ebdulhadî El-Omer, Basil Mihemed Nasir (30), Mihemed Emîn, Mistefa Selîm Hisên (38), Menan Selîm Hisên (52), Hisên Hedik û Mistefa Mihemed (28) revandine.    MÎT’ê û komên paramîlîter ên girêdayî wê yên “Polîsên leşkerî”, “Ehrar El Şam”, “Hemzat” û “Mihemed Fatîh” li navçeyên Şêrawa, Mabata û gundên wê welatiyên bi navên Mesûd Izedîn Birîmo (53), Seydo Reşad Elî (37), Henan Omer Misto (35), Hadî Ednan Misto (34), Mihemed Hemîd Nasir (58), Hisên Ebûd Hemo (45), Ehmed Ebdo (30), Adil Bêrem (55), Ehmed Birîmko (60), Emîn Elî, Cemîl Murad Mihemed (55), Mistefa Ferîd Cemal (20), Midhet Murad Mihemed (63), Ruqeye Mistefa, Hêvîn Hemîd, Henîfe Îbrahîm û Esûm Mihemed Elîko revandin.   Cenazeyê welatiyê bi navê Ebdurehman Îso (50) di 5’ê tîrmehê de li devereke nêzî gundê Meratê di bîrekê de hate dîtin. Cenazeyê welatiyê bi navê Cîhan Omer Berekat (23) di 9’ê tîrmehê de li gundê Çuban ê Racoyê di mala wî de hate dîtin. Li gorî agahiyan Cîhan xwe kuştî ye, dayika zarokekî ye û ji şêniyên Soxinekê ye. Di 11’ê tîrmehê de keça welatiyê bi navê Mihemed Dîb a 17 salî kuştî hate dîtin. Hat îdiakirin ku xwe kuştiye lê şopên îşkenceyê li ser laşê wê hebûn. Her wiha serçeteyekê artêşa tirk li gundê Şêx Bilo yê Racoyê hevjîna xwe kuşt.”    Artêşa Tirk li seranserî gundên Efrînê dîwar çêkirine û li navçeyên Raco, Şêra, Şiyê û Cindirêsê 3 hezar û 300 darên zeytûnan hatine birîn. Hat destnîşankirin ku artêşa tirk û komên girêdayî wê li gundê Sîdankê yê Cindirêsê ji bo koçberan li nava zeviyan dest bi çêkirina avahiyan kirine û heta niha 40 avahî hatine çêkirin û hêj tên çêkirin.