Îranî û Efganiyan daxwaza azadiya Abdullah Ocalan kirin 

2022-06-27 14:57:04


	 

	NAVENDA NÛÇEYAN - Platforma Jinan a Demokratîk a ji jinên îranî û efganî pêk tê bertek nîşanî êrişên li hemberî kurdan da û daxwaza azadiya Rêberê PKK'ê Abdullah Ocalan kirin. 

	 

	Platforma Jinan a Demokratîk a ku bi giranî ji jinên Efgan û Îranî pêk tê, hem bi nivîskî hem jî bi dîtbarî daxuyanî da û nerazîbûn nîşanî êrişên li hemberî kurd û Kurdistanê da. 

	 

	Platforma jinan bikaranîna çekên kîmyewî şermezar kir. Her wiha platformê xwest Rêberê PKK'ê Abdullah Ocalan bê berdan. Di daxuyaniyê de wiha hate gotin: "Em dixwazin Abdullah Ocalan azad bibe û Partiya Karkerên Kurdistanê ji lîsteya rêxistinên terorîst bê derxistin. Yekane rêya lihevkirin û azadiyê aştî, jiyaneke demokratîk û aştiyane ya hevpar e."