
'Hûn nikarin hempîşeyên me ji azadiyê bêpar bihêlin' 

2022-06-16 08:47:22


	&nbsp;

	
		&nbsp;
	
		AMED - Hempîşeyên 16 rojnamgerên ku hatin girtin di daxuyaniya ku dan de wiha gotin:"Hûn nikarin hempîşeyên me ji azadiyê bêpar bihêlin." Hempîşeyên 16 rojnamgerên ku hatin girtin banga tevlîbûna daxuyaniya dê îro li Amedê bê dayin kirin.&nbsp;
	
		&nbsp;
	
		Ji 22 kesên ku di 8’ê hezîranê de di çarçoveya lêpirsîna ku Serdozgeriya Komarê ya Amedê dabû destpêkirin hatibûn binçavkirin de 16 rojnamevan jê hatin girtin. Hevserokê Rojnamevanan a Dîcle Firatê Serdar Altan, Midûrê Karên Nivîsan a Rojnameya Xwebûnê Mehmet Alî Ertaş, nûçegihanê Xwebûnê Zeynel Abîdîn Bulut, Midûra JINNEWS'ê Safiye Alagaş, edîtorê Ajansa Mezopotamyayê (MA) Azîz Orûç û rojnamevan Omer Çelîk, Lezgîn Akdenîz, Mehmet Şahîn, Sûat Dogûhan, Ramazan Gecîken, Neşe Toprak, Îbrahîm Koyûncû, Mazlûm Dogan Guler, Elîf Ungur, Remziye Temel û Abdurrahman Oncu ku dozgeriyê ew sewqî Dadgeha Sulhê ya Nobedar kirin, hatin girtin û şandin Girtîgeha Amedê. Malbat û rojnamevanên bi saetan li pêşiya edliyeyê sekinîn biryara girtinê şermezar kirin.
	
		&nbsp;
	
		'Hûn nikarin hempîşeyên me ji azadiyê bêpar bihêlin'
	
		&nbsp;
	
		Hevseroka DFG’ê Dîcle Muftuoglû diyar kir ku careke din bi bêhiqûqiyan re rûbirû man. Dîcle, da zanîn ku 16 hempîşeyên wan tenê ji ber xebatên xwe yên rojnamevaniyê hatin girtin û wiha got: “Bi hemû rêbazên ji sala 90’an ve hûn diceribînin bi ser neketin. Hûn nikarin bi van operasyonan jî bi ser bikevin. Bi heman biryaran hûn ê nikaribin hempîşeyên me ji azadiya wan bêpar bihêlin. Em vê biryarê qebûl nakin û heta hevalên me bên berdan em ê çalakiyên xwe bidomînin.
	
		&nbsp;
	
		Ji bo daxuyaniyan îro bang hat kirin
	
		&nbsp;
	
		Dîcle, da zanîn ku wê îro saet 13.00’an de li pêşiya DFG’ê biryarê şermezar bikin û ev bang kir: “Em herkesê ku alîgiriya azadiya îfade û çapemeniyê dikin vedixwînin çalakiyê.”&nbsp;
	
		&nbsp;
	
		Daxuyanî bi berzkirina dirûşma “Çapemeniya azad nikare were bêdeng kirin” bi dawî bû. &nbsp;


	&nbsp;