
Li Îzmîrê 'Nobeta Edaletê' 67 roj in didome  

2022-05-31 16:38:22


	&nbsp;

	&nbsp;

	ÎZMÎR - Çalakiya "Nobeta Edaletê" ya li Îzmîrê 67 roj in didomin. Malbatên girtiyan di çalakiya xwe de bal kişand ser binpêkirina mafên girtiyan ên li Girtîgeha Kiriklarê.&nbsp;

	&nbsp;

	Çalakiya "Nobeta Edaletê" ya malbatên girtiyan li Îzmîrê 67 roj in didome. Malbatan çalakiya xwe ya îro li ber avahiya Baroya Îzmîrê pêk anî. Dayika Firat Yagmekan ê li Girtîgeha Kiriklarê girtî ye Sultan Yagmekan di çalakiyê de axivî û bal kişand ser rewşa Girtîgeha Kiriklar a Bucayê.&nbsp;

	&nbsp;

	Sultan destnîşan kir ku li Onur Yilmaz ê girtî li Girtîgeha Kiriklarê di 17'ê gulanê de li dijî şert û mercên girtîgehê dest bi greva birçibûnê kir û niha jî çalakiya xwe didomîne û got: "2 meh jortir e em çalakiya 'Nobeta Edaletê' didomînin. Girtiyên nexweş nayên tedawîkirin. Girtiyên ku cezayên wan qediyane nayên berdan.&nbsp;

	&nbsp;

	Li dijî binpêkirina mafên girtiyan li Girtîgeha Kiriklarê ya Bûcayê girtî dest bi grevê kirin. Em hemû binpêkirinan şermezar dikin. Ne edalet, ne hiqûq û ne jî wijdan heye. Divê daxwazên girtiyan bê qebûlkirin. Ji bo qebûlkirina daxwazên girtiyan jî em ê heta dawiyê çalakiya xwe bidomînin.&nbsp;

	&nbsp;

	Em kurd in. Serê me bilind e. Em zilma ku tê kirin qebûl nakin. Em li ser piyan bin û em ê li ber xwe bidin."&nbsp;

	&nbsp;