Dayikên Şemiyê: Em dev ji Qada Galatasarayê benadin 

2022-05-21 15:33:35


	 

	STENBOL - Dayikên Şemiyê, di hefteya 895'an de çalakiya xwe li dar xistin û li aqûbeta Hasan Ocak pirsîn û her wiha gotin: "Em dev ji daxwaza edaletê bernadin û em dev jî Qada Galatasarayê bernadin." 

	 

	Dayikên Şemiyê, di hefteya 895'an de çalakiya xwe ya ji bo dîtina aqûbeta windayan û darizandina faîlan li ser hesabên xwe yên medya sanal li dar xistin. Di daxuyaniyê de li ser "Hefteya Windayan" hat rawestandin û daxuyaniya ku hatibû amadekirin ji hêla xwişka Hasan Ocak ku di 19'ê gulana 1995'an de hat windakirin Maşîde Ocak, xwend. 

	 

	Maşîde, diyar kir ku weke parçeyeke polîtîkayên zextê yên niha tên meşandin desthilat dayikên şemiyê ji ber têkoşîna wan a li dijî nehiqûqiyan "sûcdar" îlan kiriye û wiha got: "Ji ber ku em pirsa hezkiriyên xwe dikin tên sûcdarkirin. Li Tirkiyeyê weke polîtîkayeke sîstematîk û bizanebûn ji ber ku em li dijî pêkanîna bêcezahiştinê heye."  

	 

	Maşîde, destnîşan kir ku têkoşîna wan ji bo parastina rûmeta mirovahiyê û daxwaza demokratîkbûna Tirkiyeyê ye û ev tişt got: "Biryarên derbarê xizmên windayan de tên dayîn biryarên polîtîk in. Tenê ji aliyê dadgeran ve biryar nayên dayîn. Em dizanin ku heta li Tirkiyeyê guhertineke adil û wekhev pêk neyê wê ev rewş bidome. Ji bo kun ev rewş biguhere destpêkê yên din bin çavan de hatine windakirin divê destpêkê hemû binpêkirinên mafan bên qebûlkirin, bêcezahiştin bê bidawîkirin û berpirsyar li pêşberî dadgehê hesab bidin. Şert çi dibin bila bibin êm ê ji bo vê têbikoşin. Em dev ji lêgerîna xwe ya heqîqetê bernedin û em di dûwarên bêcezahiştinê de qewaran vebikin."

	 

	Di dawiya axaftina xwe de Maşîde destnîşan kir ku wê dev ji daxwaza xwe ya edaletê û Qada Galatasarayê bernedin.