
Iraqê êrişî Şengalê kir: Dibistan kirin hedef 

2022-05-02 13:12:11


	&nbsp;

	&nbsp;

	NAVENDA NÛÇEYAN - Artêşa Iraqê ya xwest têkeve bajaroka Sinûnê êrişî Asayişa Êzidxanê kir. Hat diyarkirin ku artêşa Iraqê dibistan kiriye hedef.

	&nbsp;

	Hêzên artêşa Iraqê duh di saetên êvarî de xwestin bikevin navçeya Sinûnê ya Şengalê. Li ser vê yekê hêzên Asayîşa Êzidxanê, YBŞ/YJŞ’ê mudaxale kir û nehêla ku artêşa Iraqê bikeve navçeyê. Bi vê yekê re li herêmê şer dest pêk kir. Pevçûnê heta demekê berdewam kir û piştre jî bi vekişîna artêşa Iraqê re sekinî. Lê artêşa Iraqê îro di saetên sibehê de sewqiyateke mezin li Şengal û sînorê Bakur û Rojhilatê Sûriyeyê bi cih kir.

	&nbsp;

	Piştî ku artêşa Iraqê dest bi êrişan kir jî li herêmê şerekî dijwar dest pê kir. Hat zanîn ku artêşa Iraqê hewl dide ji herêma Tirbikayê bikeve Sinûnê û li herêmê pevçûnên dijwar diqewimin.

	&nbsp;

	Dibistan kirin hedef

	&nbsp;

	Li gor nûçeya di Rojnews'ê de cih digire artêşa Iraqê bajaroka Digurê ya Şengalê kir hedef û dibistanek hilweşand.&nbsp;

	&nbsp;

	Liv û tevgera helîkopteran heye

	&nbsp;

	Her wiha li navenda Şengalê û li navçeyên Dîgur, Sinûnê, Xanesor, Medîban û gelek herêmên din jî liv û tevgereke zêde ya helîkopteran heye.&nbsp;