Malbata Şenyaşar: Êdî bes e bila edalet were

2022-04-28 13:26:06


	 

	RIHA - Emîne û Ferît Şenyaşar ên di roja 416’emîn de çalakiya xwe ya Nobeda Edaletê didomînin ev peyam parve kirin: "Daxwaza me bû daxwaza bi milyonan kesan. Êdî bes e bila edalet were."

	 

	Çalakiya Nobeta Edaletê ya Emîne û Ferît Şenyaşar a li pêş Edliyeya Rihayê di roja 416’an de berdewam dike. Emîn Şenyaşar û kurê wê Ferît Şenyaşar li ser derenceyên pêş edliyeyê rûniştin û dest bi çalakiya xwe ya nobetê kirin. 

	 

	‘Êdî bes e bila edalet were’

	 

	Malbatê li ser hesabê xwe ya medyaya dîjîtal hesabên Wezareta Dadê û Wezîrê Dadê Bekîr Bozdag etiket kir û ev peyam parve kir: “Me di pêvajoya nobeta xwe ya edaletê de heqaret li kesî nekir. Me bêbextî li kesî nekir. Me ev ji cîhanê re ragihand. Daxwaza me bû daxwaza bi milyonan kesan. Êdî bes e bila edalet were.”