
Zextên li hemberî HDP'ê li gelek bajaran hat şermezarkirin  

2022-04-13 14:11:07


	&nbsp;

	&nbsp;

	NAVENDA NÛÇEYAN - &nbsp;Rêxistinên HDP'ê yên li Riha, Mêrdîn, Mêrsîn û Îskenderûnê biryara binçavkirina 91 kesan şermezar kirin û gotin: "HDP’ê serî netewand û wê tu demê netewîne. Wê kurd û gelên din bi ser kevin û lê AKP dê têk biçe”&nbsp;

	&nbsp;

	Rêxistinên Partiya Demokratîk a Gelan (HDP) yên bajaran li gelek navendan biryara binçavkirina 91 kesên ku di çarçoveya “Lêpirsîna Kobanê” de duh hat derxistin û gelek ji wan hatine binçavkirin û her wiha zextên polîsan ên li ser avahiya Rêxistina HDP’ê ya Navçeya Cizîrê şermezar kirin.&nbsp;

	&nbsp;

	Li ber avahiya HDP'ê ya Mêrdînê daxuyanî &nbsp;

	&nbsp;

	Rêxistina HDP’ê ya Bajarê Mêrdînê li ber avahiya xwe daxuyanî da û binçavkirinên pêk hatin û zextên li ser avahiya HDP’a Cîzîrê şermezar kir. Gelek endam û rêveberên HDP’ê beşdarî daxuyaniyê bûn û pankarta “Em HDP ê diparêzin” vekirin.&nbsp;

	&nbsp;

	Hevseroka HDP’a Mêrdînê Perîhan Agaoglu diyar kir ku armanca êrişên AKP’ê û MHP’ê ew e ku HDP siyasetê neke û got: “HDP rêya sêyemîn e. HDP fikr û ramanek e. HDP azadî ye. HDP hêviya gelan e. Hûn nikarin îradeya gel asteng bikin û em faşîzma desthilatdariyê şermezar dikin, Em hebûn, em hene û em ê her hebin.”&nbsp;

	&nbsp;

	Hevserokê HDP’a Mêrdînê Salih Kuday jî anî ziman ku wê gelê kurd li ber van zextan jî serî netewîne û ew ê têkoşîna wan bi ser bikeve.&nbsp;

	&nbsp;

	Li Rihayê êriş hat şermezarkirin&nbsp;

	&nbsp;

	Rêxistina HDP’ê ya Bajarê Rihayê jî li ber avahiya xwe daxuyanî da û zextan şermezar kir. Parlamenterên HDP’ê yên Rihayê Ayşe Surucu, Omer Ocalan û gelek kes tevli daxuyaniyê bûn. &nbsp;

	&nbsp;

	Hevserokê HDP’a Rihayê Ziya Çalişkan anî ziman ku ji bo îktidara AKP-MHP’ê têkoşîna HDP’ê di çavê gelê kurd de bide reşkirin, van zextan pêk tîne û dê ev zext bi ser nekevin. Parlamenter Omer Ocalan jî destnîşan kir ku wan gelek zext û tirsan ji ser xwe avêtine û got: “Wê ev zîhniyeta çetekar têk here û em ê bi ser bikevin. Em meşru ne û divê ji îradeya gel re hurmet bê nîşandan.”&nbsp;

	&nbsp;

	Li Parka Zarokên Azad a Mêrsîne kom bûn&nbsp;

	&nbsp;

	Rêxistina HDP’ê ya Mêrsînê jî li Parka Zarokên Azad daxuyanî da û nûnerên partiyên siyasî, sendîka, komele û gelek kes tevli daxuyaniyê bûn û pankarta “Zext nikarim me bêzar bikin” vekirin. Hevseroka HDP’a Mêrsînê Bedriye Kuş da zanîn ku ew ê li dijî zextan li ber xwe bidin û wê HDP bi ser bikeve.

	&nbsp;

	Êrişên li Îskenderûnê hat şermezarkirin&nbsp;

	&nbsp;

	Rêxistina HDP’ê ya Navçeya Îskenderûnê jî li avahiya xwe zextên li ser partiya xwe şeremezar kir. Hevserokê HDP’a Îskenderûnê Abdurrahîm Şahîn anî ziman ku ew ê li dijî her dozên dekûdolabê derkevin û têkoşîna xwe bidomînin. Şahîn xwest kesên hatine binçavkirin tavilê bên berdan.&nbsp;