
Beriya danişîna doza Pinar Gultekîn daxuyanî: Em edaleta rasteqîn dixwazin  

2022-04-11 15:51:55


	&nbsp;

	MUGLA - Jinan beriya danişîna biryarê ya doza derbarê kujerên Pinar Gultekîn de daxuyaniyek dan û diyar kirin ku ne edaleta mêr edaleta rasteqîn dixwazin.&nbsp;

	&nbsp;

	Xwendekara Zanîngeha Muglayê Pinar Gultekîn ji aliyê Cemal Metîn Avci û hevalbendê wî ve hatibû qetilkirin. Danişîna biryarê ya doza derbarê kujeran de hatiye vekirin li Dadgeha Cezayê Giran a 3’yemîn a Muglayê tê lidarxistin. Rêxistinên jinan beriya danişîn were lidarxistin, li Meydana Sinirsizlik a Muglayê daxuyanî dan. Parlamenterên Partiya Demokratîk a Gelan (HDP) û gelek jin, Şefîka Gultekîn a dayika Pinarê û Fehîme Poyraz a dayika Denîz Poyraz tevli daxuyaniyê bûn.&nbsp;

	&nbsp;&nbsp;

	Endama Pîrelkên Kampûsê Eda Korkmaz li ser navê jinan daxuyaniya hevpar da û destnîşan kir ku daraza nêrzayî bi biryarên ku dide hêzê dide kujeran. Korkmaz da zanîn ku ew ê hesabê hemû jinên hatine qetilkirin bipirsin.&nbsp;

	&nbsp;&nbsp;

	Cîgira Seroka Koma HDP’ê Meral Daniş Beştaş jî di daxuyaniyê de axivî û destnîşan kir ku kuştina jinan êdî gihîştiye asta qirkirina jinan û ji bo ku kujer Metîn Avci û kujerên din ên jinan cezayên giran bigirin dê têbikoşin.&nbsp;

	&nbsp;

	Pişt re jin ji vê qadê ber bi avahiya Edliya Muglayê ve dest bi meşê kirin. Polîsan pêşiya jinan birî. Jinan dirûş berz kirin û xwestin bimeşin. Lê vê yekê rê li rageşya di navbera jinan û polîsan de vekir û dayika Pinarê, Şefîka Guldîken di vê kêliyê de ji ser hişê xwe çû. Şefîka Gultekîn bi ambulansê rakirin nexweşxaneyê. Pişt re jinan meşa xwe dewam kir û heta ber edliyê çûn.&nbsp;

	&nbsp;

	Parlamentera HDP’ê ya Îzmîrê Serpîl Kemalbay û nûnerên rêxistinên jinan jî derbarê dozê de axivîn û nêrînên xwe anîn ziman. Bi du daxuyaniyê re jin derbasî ewyana danişînê bûn.&nbsp;