Parêzeran ji bo 5’ê Nîsanê daxuyanî dan 

2022-04-05 16:02:28


	 

	 

	NAVENDA NÛÇEYAN - Rêxistinên maf û pîşeyî têkildarî 5’ê Nîsanê Roja Parêzeran daxuyanî dan û gotin: "Pîşeya me di bin gefan de ye.”

	 

	Baro û rêxistinên mafan têkildarî 5’ê Nîsanê Roja Parêzaren li Enqere, Stenbol, Amed, Îzmîr, Êlih, Riha, Mêrdîn û Edeneyê daxuyanî dan. 

	 

	Di daxuyaniyan de hate diyar kirin ku parêzerî di bin xetereyê de ye û bal kişandin ser serbixwetiya darazê, heqdestê parêzeriyê, xwe gihandina edaletê, tundiya li ser parêzeran û pir baroyiyan. Baro û rêxistinên mafan bi gotina “Pîşeya me di bin gefan de ye” diyar kirin ku wê ji bo daraza serbixwe û xwe gihandina edaletê têbikoşin.