
Li Rojava ji bo 4'ê Nîsanê bi hezaran şitil hatin çandin 

2022-04-03 16:17:34


	&nbsp;

	&nbsp;

	NAVENDA NÛÇEYAN - Li gelek cihên Bakur û Rojhilatê Sûriyeyê ji rojbûna Rêberê PKK'ê Abdullah Ocalan bi hezaran şitil hatin çandin.&nbsp;

	&nbsp;

	Bi boneya rojbûna Rêberê PKK'ê Abdullah Ocalan li herêmên cuda yên Bakur û Rojhilatê Sûriyeyê û Helebê çalakiyên cihereng hatin lidarxistin û dar hatin çandin.

	&nbsp;

	Bi nêzîkbûna rojbûna rêber Rêberê PKK'ê Abdullah Ocalan li herêmên Bakur û Rojhilatê Sûriyeyê û Helebê çalakiyên cihereng li dar ketin. Bi sedan şênî tev li van çalakiyan bûn.

	&nbsp;

	Hesekê

	&nbsp;

	Bi dehan şêniyên kampa Serêkaniyê 73 dar li kampê çandin.

	&nbsp;

	Dirbêsiyê

	&nbsp;

	Şaredariya Gel a navçeya Dirbêsiyê 5 hezar dar veqetandin da ku li bajarok û gundên navçeyê werin çandin.

	&nbsp;

	Heta niha di çarçoveya hemleyê de, 2 hezar dar li bajarokên Sîker, Qeremane, Til Kermê û Xenamiye hatin çandin.

	&nbsp;

	Li bajêr dar li parka Kurdistanê û li ser rêya di navbera navçe û Hesekê de hatin çandin.

	&nbsp;

	Tirbespiyê

	&nbsp;

	Bi dehan şênî û malbatên şehîdan tev li merasîma vekirina parka bi navê Parka 4'ê Nîsanê ya li navçeyê bûn.

	&nbsp;

	Dayîka şehîd Hevrîn Xelef park vekir û vekirina parkê li Abdullah Ocalan pîroz kir. Paşê şêniyan dar li parkê çandin.

	&nbsp;

	Çilaxa

	&nbsp;

	Vê sibehê bi dehan şêniyên navçeyê û malbatên şehîdan berê xwe dan bendava Zexîre û dest bi çandina daran li derdora bendavê kir.

	&nbsp;

	Girkêlegê

	&nbsp;

	Saziyên civaka sivîl ên navçeyê li gundê Helîq dar çandin. Bi dehan endamên saziyên civaka sivîl 200 dar li qada gund çandin.

	&nbsp;

	Heleb

	&nbsp;

	Şaredariya Gel a taxên Şêxmeqsûd û Eşrefiye parka bi navê “Rojbûna Azadiyê” (Mîlad El-Hûriye) li rojhilatê taxa Şêxmeqsûd vekir û gelek dar tê de çandin.

	&nbsp;

	Her wiha di heman çalakiyê de Însiyatîfa Sûriyeyê ya ji bo Azadiya Abdullah Ocalan daxuyanî da û tê de rojbûna Abdullah Ocalan pîroz kir.

	&nbsp;

	Berdevka însiyatîfê Amne Xedro daxuyanî xwend.

	&nbsp;

	Di daxuyaniyê de bang li gelê kurd û dostên wan hat kirin ku têkoşînê mezin bikin da ku tecrîdê bişikînin û azadiya fîzîkî ya Abdullah Ocalan pêk bînin.

	&nbsp;

	&nbsp;

	&nbsp;

	&nbsp;