
Li Mûşê agirê Newrozê geş bû  

2022-03-21 15:02:32


	&nbsp;

	&nbsp;

	MÛŞ - Bi hezaran kes îro li Mûşê bi dirûşma "Dem dema serkeftinê ye" daketin qadan û agirê Newrozê geş kirin.&nbsp;

	&nbsp;

	Newroza 2022'yan bi coşek mezin li bajarên herêm û Tirkiyeyê bi dirûşma "Dem dema azadiyê ye" hat pîrozkirin. Îro jî li Mûşê pîrozbahî li Qada Îstasyonê bi tevlîbûna bi hezaran kesî pêk hat.&nbsp;

	&nbsp;

	Ligel astengiyên bi seatan girse li qadê cih xwe girt. Pîrozbahî bi rêzgirtinê dest pê kir. Piştî rêzgirtinê agirê Newrozê hat pêxistin. Girse li dora agir govend gerand û dirûşm berz kirin.&nbsp;

	&nbsp;

	Di pîrozbahiyê de hevseroka HDP'ê ya Mûşê Belma Nergîz axivî û banga rakirina tecrîdê kir.&nbsp;

	&nbsp;

	Hevşaredara HDP'ê ya Erdîşa Wanê ya ku li şûna wê qeyûm hatî tayînkirin Dîba Keskîn axivî û bal kişand ser êrişên li hemberî destkeftiyan û hewcedariya parastina destkeftiyan.&nbsp;

	&nbsp;

	Parlamentera HDP'ê ya Mûşê Gulistan Kiliç Koçyîgît, gelê ku tevlî pîrozbahiyê silav kir û wiha dest bi axaftina xwe kir: "Em li vir silavên xwe ji her 4 parçeyan re dişînin. AKP maseya aştiyê hilweşand û piştre jî tecrîdê giran kir. Ev tevrîd li tevahiya civakê belav bû. Lê Îro xelkê Mûşê li vir bersiv dide zilm û zordariyê. Ligel hewaya sar pîrozbahî pêk hatin."&nbsp;

	&nbsp;

	Pîrozbahî bi govend gerandinê berdewam kir.&nbsp;